شىعىس قازاقستان وبلىسىنىڭ تاۋلى اۋداندارىنداعى قاردىڭ مولشەرى نورمادان 1,5-2 ەسە اسقان. قاردىڭ شامادان تىس كوپ بولۋى 110 ەلدى مەكەندە سۋ تاسقىنى قاۋپىن تۋىنداتىپ وتىر, دەپ حابارلايدى قازاقپارات
«ادەتتە, سۋ تاسقىنى كەزەڭىندە ەڭ قيىن جاعدايعا زىريانوۆسك جانە قاتونقاراعاي اۋداندارى تاپ بولادى, سونداي-اق تابيعي اپات ءساۋىردىڭ سوڭى مەن مامىر ايىنىڭ باس كەزىندە ورىن الۋى ىقتيمال, – دەپ مالىمدەدى شقو تجد توتەنشە جاعدايلاردى ەسكەرتۋ ءبولىمىنىڭ باستىعى الەكسەي شتىكەل. – بۇدان باسقا, تاۋلى وزەندەردىڭ كوپتىگىنە بايلانىستى تارباعاتاي, ءۇرجار, زايسان اۋداندارىندا سۋ تاسۋ قاۋپى ساقتالادى».
ماماننىڭ ايتۋىنشا, ايماقتاعى 110 ەلدى مەكەندە كوكتەمگى سۋ تاسقىنى بولۋى ىقتيمال.