پاۆلودار وبلىسىندا بالالار اۆتوبۋسىن اپاتتان امان الىپ قالعان پوليتسەي ەسىن جيدى, دەپ حابارلايدى tengrinews.kz
جانقيارلىق ەرلىكپەن جول اپاتىنىڭ الدىن العان پوليتسەيلەردىڭ ءبىرى اۋىر حالدە اۋرۋحاناعا جەتكىزىلىپ, جانساقتاۋ بولىمىنە جاتقىزىلعان بولاتىن.
34 جاستاعى پوليتسيا سەرجانتى مۇرات نۇرسەيىتوۆتىڭ ارىپتەستەرى ونىڭ كومادان شىققانىن ايتتى.
«مۇرات ەسىن جيدى, جاعدايى جاقساردى. بىراق ول ءالى دە جانساقتاۋ بولىمىندە جاتىري, – دەدى پوليتسيا قىزمەتكەرلەرى.
پاۆلودار وبلىستىق ءىىد ءباسپاسوز قىزمەتىندەگىلەر دە زارداپ شەككەن ەر ادامنىڭ ەسىن جيعانىن راستادى. بىراق ونىڭ جاعدايى ءالى دە اۋىر دەپ باعالانىپ وتىر.
ەسكە سالا كەتەيىك, باياناۋىل اۋداندىق ىشكى ىستەر ءبولىمى پوليتسياسىنىڭ قىزمەتكەرلەرى قىزمەتتىك Lada Granta كولىگىمەن بالالار وتىرعان اۆتوبۋستى شىعارىپ سالىپ بارا جاتقان. بالالار پاۆلودارداعى شاڭعى جارىسىنا باعىت العان. پاۆلودار-استانا اۆتوجولىندا قالقامان اۋىلىنىڭ ماڭىندا 50 جاستاعى كاماز جۇرگىزۋشىسى قارسى باعىتتاعى جولعا شىعىپ كەتكەن. جۇك كولىگى مەن بالالار وتىرعان اۆتوبۋس سوعىسپاۋى ءۇشىن پوليتسيا ستارشيناسى مۇرات نۇرسەيىتوۆ ويلانباستان قىزمەتتىك كولىكتى جولعا كولدەنەڭ بۇرىپ ۇلگەرگەن. ناتيجەسىندە كاماز پوليتسيانىڭ قىزمەتتىك كولىگىن سوققان.