WBO Inter-Continental, WBA Fedelatin تۇجىرىمدارى بويىنشا ءبىرىنشى جارتىلاي ورتا سالماقتا الەم چەمپيونى قانات يسلام (22-0-0, 18 كو) برازيليالىق روبسەن اسسيسپەن وتەتىن كەزدەسۋگە دايىندىعىن اياقتادى.
سوڭعى جاتتىعۋ جيىندارىن قازاقستاندىق بىلعارى قولعاپ شەبەرى ۋيلمينگتونعا جاقىن بولعان سوڭ فيلادەلفيا قالاسىندا وتكىزدى.
ونىڭ قارسىلاسى روبسون اسسيس تە برازيليادان ۋيلمينگتونعا كەلدى. ەرتەڭ قوس بوكسشى جۋرناليستەرمەن كەزدەسىپ, ءباسپاسوز جينىن وتكىزەدى. سونىمەن قاتار, اشىق جاتتىعۋ جيىندارى ۇيىمداستىرىلادى.
ايتا كەتەيىك, قانات يسلام مەن روبسون اسسيس اراسىنداعى ايقاس 17 اقپان كۇنى ۋيلمينگتون قالاسىندا (اقش, دەلاۆەر شتاتى) وتەدى. جەكپە-جەكتى «قازاقستان» ۇلتتىق ارناسى مەن «Kazsport» تەلەارناسى تىكەلەي ەفيردە كورسەتەدى.