وزىق ەلدەردىڭ تاجىريبەسى بىزگە دە ۇلگى

الماتىداعى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا ەلباسى نۇرسۇلتان نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن تالقىلاۋ بويىنشا دوڭگەلەك ۇستەل ءوتتى. شاراعا مەملەكەت جانە قوعام قايراتكەرلەرى, اتالمىش ۇجىمنىڭ باسشىلارى مەن قىزمەتكەرلەرى قاتىستى. ءىس-شارانىڭ نەگىزگى ماقساتى ساياسي تاربيە جانە ەلباسى جول­­­داۋىندا ايتىلعان وزەكتى ماسەلە­لەر­دى تال­قىلاۋ بولدى. دوڭگەلەك ۇستەل جۇمىسىن اشىپ بەرگەن اباي اتىنداعى ماوبت-تىڭ باس ديرەكتورى, قازاقستاننىڭ ەڭ­بەك سىڭىرگەن قايراتكەرى اسقار بورىباەۆ, سونداي-اق, ەلباسىنىڭ ۇندەۋىندە ايتىلعان بىرقاتار قۇزى­رەت­تەردى پارلامەنت پەن ۇكىمەتكە بەرۋ كوپتەگەن دامىعان وزىق ەلدەر­دىڭ تاجىريبەسىندە كەزدەسەتىنىن اتاپ كورسەتتى. «وسى تۇرعىدان كەلگەندە, اتالعان باستاما جاھاندىق دامۋ جولىندا ەلىمىزگە تىڭ سەر­پىن بەرىپ, تىنىسىمىزدى اشا­تىن سەنىمدى قۇرال بولماق. مادە­نيەت سالاسىنىڭ ماماندارى جان-جاقتى ءۇن قوسىپ جاتىر. ءبىزدىڭ ۇجىم باسشىلىعى مەن قىزمەتكەرلەرى دە ەلباسى ۇسىن­عان رەفورمانى تالقىلاي كەلە, تولىق­قاندى قولدايدى», دەپ مالىمدەدى. «باسەكەگە قابىلەتتىلىكتى ارت­تىرىپ, مەملەكەتتى نىعاي­تاتىن ۇلكەن كۇشكە يە بولۋ ءۇشىن ەكو­نوميكالىق جاڭا قادام جاساۋ­دىڭ ماڭىزى زور. پرەزي­دەنت ۇسىنعان رەفورما تىڭ باستامالارعا سەر­پىن بەرەدى. وتكەن كۇننەن ساباق الىپ, بولاشاققا نىق سەنىممەن قاراۋىمىز كەرەك», – دەدى جيىندا ءسوز العان ساياساتتانۋشى زامير قاراجانوۆ. اتالعان رەفورما – ەل بولاشا­عىنا جاسالعان ناقتى قادام. ال سان ساراپتان وتكەن ساياسي ءۇن­دەۋ مەملەكەتىمىزدىڭ دامۋىنداعى تاريحي ءسات. تاۋەلسىزدىك العان جىل­دار ىشىندە ەكونوميكانىڭ بار­لىق تالاپتارىنا جاۋاپ بەرە الاتىن مەملەكەتتىك باسقارۋدىڭ كوپ قىرلى مودەلى دۇنيەگە كەلدى. قازاقستاننىڭ ءاربىر ازاماتى بۇل رەفورمانى تالقىلاۋعا بەلسەندى تۇردە ءۇن قوسۋى قاجەت. قوعامداعى دەموكراتيالىق ۇدەرىستەردى دامىتىپ, قۋاتتاندىرۋدا جاڭا بەت­بۇرىستىڭ ماڭىزى زور دەدى – جيىن­عا قاتىسۋشىلار ءبىراۋىزدان. «كەلىسىپ پىشكەن تون كەلتە بول­ماس». ەلىمىزدىڭ بارلىق قالا­لارى مەن ايماقتارىندا قىزۋ تالقى­لانىپ جاتقان رەفورماعا ءۇن قوسۋ­شىلاردىڭ سانى كۇن ساناپ ارتىپ وتىر. وسىعان قاراپ, ەلىمىزدەگى ساياسي ۇيىمدار مەن مەملەكەتتىك مەكەمەلەر عانا ەمەس, رەفورمانى تالقىلاۋعا قاتىسقان ەلىمىزدىڭ ءار ازاماتى مەملەكەتىمىزدىڭ بولاشا­عىنا بەي-جاي قاراي المايتىنىن اڭعارامىز. ارمان وكتيابر, جۋرناليست الماتى