سوت اكتىلەرىن ورىنداۋ دەپارتامەنتى «ازبۋكا جيليا» كومپانياسىنىڭ اكتيۆتەرىن باعالاۋعا كىرىستى. سول ارقىلى قۇندى قاعازدار ساتىلىمعا شىعارىلادى. ال تۇسكەن قارجى ارقىلى پروبلەمالىق نىساندار قۇرىلىسىن اياقتاۋ كوزدەلىپ وتىر, دەپ حابارلايدى 24حابار.
ايتا كەتەيىك, «ازبۋكا جيليا» سەرىكتەستىگى 9 بىردەي تۇرعىن ءۇي سالىمشىسىن سان سوقتىرىپ, باسپانالارىن ءتيىستى مەرزىمدە پايدالانۋعا بەرمەگەن. وسىعان وراي 3 اقپان كۇنى اپەللياتسيالىق القا جاۋاپكەرشىلىككە تارتىلعان كومپانيا باسشىلارىنىڭ مۇلكىن جابىرلەنۋشىلەرگە بەرۋ تۋرالى شەشىم شىعاردى. ەندى پروبلەمالىق قۇرىلىستى جالعاستىرىپ جاتقان مەكەمەمەن 2 مىڭنان استام ادام كەلىسىم جاساسقان. دەگەنمەن, 1500 سالىمشى بۇل كومپانياعا دا سەنىمسىزدىك تانىتىپ وتىر. قۇرىلىس سەرىكتەستىگى 5 تۇرعىن ءۇي كەشەنىن سالىپ ءبىتىرۋ ءۇشىن 24 ملرد تەڭگە قاجەتتىگىن ايتادى. قازىرگە دەيىن 8 ملرد تەڭگەنىڭ جۇمىسى اتقارىلعان. «قالعان ءىستى «ازبۋكا جيليانىڭ» اكتيۆتەرىن ساتۋ ارقىلى سالىمشىلارعا بەرىلگەن قاراجات ارقىلى بىتىرەمىز», - دەيدى جاۋاپتى مەكەمە ماماندارى.