اقتوبە وبلىسىندا مەملەكەتتىك-جەكە مەنشىك ارىپتەستىك اياسىندا 10 دارىگەرلىك امبۋلاتوريا سالىنادى, دەپ حابارلادى «اقتوبە اقپارات» ورتالىعى.
وڭىردە ءمجا اياسىندا ينۆەتستيتسيانىڭ 28 ملرد تەڭگەنى قۇرايتىن بولجامدى كولەمى بويىنشا 38 جوبانى جوسپارلاۋ جانە ونى جۇزەگە اسىرۋ باعىتىندا جۇمىستار جۇرگىزىلۋدە.ونىڭ ىشىندەگى 7 جوبا بويىنشا 9,8 ملرد.تەڭگەگە كەلىسىم شارت جاسالعان. سونىمەن قاتار اتالعان جوبا اياسىندا مۇز ايدىنى, جەدەل-جاردەم بەكەتى, وفتالمولوگيالىق ەمحانا, بالالار ءتىس ەمحاناسى, 2 سپورت زال مەن فيزيكا-ماتەماتيكا مەكتەبىنىڭ جالعا الۋ بويىنشا عيماراتتارىنىڭ قۇرىلىسى جۇزەگە اسىرىلۋدا.
سونداي-اق جالپى قۇنى 9,8 ملرد,تەڭگە ينۆەستيتسياعا كەلىسىم شارت جاسالدى. قۇنى 4,0 ملرد. تەڭگە قاراجاتتى قۇرايتىن 2 جوبانىڭ كونكۋرسى جاريالاندى. ولار «باتىس-2» جانە «نۇر – اقتوبە» مولتەك اۋداندارىنداعى قالالىق ەمحانا. ءمجا بويىنشا 5,1 ملرد تەڭگە ينۆەستيتسيانىڭ 9 جوباسىنىڭ ساراپتاماسى كەلىسۋ ساتىسىندا.(اقتوبە قالاسى جانە اۋداندار بويىنشا 8 بالا-باقشا, قارعالى اۋدانى قوسەستەك اۋلىنىڭ مادەنيەت ءۇيى)
ينۆەستيتسيانىڭ 9,1 ملرد تەڭگە بولجامدى كولەمىن قۇرايتىن 20 جوبانىڭ قۇجاتتارى ازىرلەنۋدە. وڭىردە ءمجا اياسىندا «اليحان» سپورت كومپلەكسى, 1281 جانە 1300 ش.م اۋماقتاعى «وليمپيادالىق رەزەرۆى», 220 ورىنعا ارنالعان فيزيكا-ماتەماتكا مەكتەپ-ينتەرناتى, مۇمكىندىگى شەكتەۋلى جانە پسيحيكالىق اۋىتقۋشىلىعى بار بالالارعا ارنالعان 100 ورىندىق الەۋمەتتىك قىزمەت كورسەتۋ ورتالىعى جۇمىس جاساۋدا.
وتكەن جىلى ايماقتاعى ورتالىقتىڭ «قازاقستاننىڭ مەملەكەتتىك- جەكەمەنشىك ارىپتەستىك ورتالىعى» اق وكىلدەرىمەن بىرلەسىپ ءمجا جوبالارىن ىسكە اسىرۋ بويىنشا بىرقاتار وقىتۋ سەمينارلارى وتكىزىلدى.سەمينارعا وبلىستىڭ مەملەكەتتىك قىزمەتشىلەرى, بيزنەس-قۇرىلىم جانە ەكىنشى دەڭگەيلى بانك وكىلدەرى قاتىستى.
رەسپۋبليكا بويىنشا اقتوبە وبلىسى مەملەكەتتىك-جەكەمەنشىك ارىپتەستىكتى دامىتۋ ءارى وسى باعىتتا جۇمىس جۇرگىزۋ كورسەتكىشى بويىنشا ەكىنشى ورىندا.