Volkswagen كونتسەرنى بىرقاتار كەمشىلىكتەر ءۇشىن اقش نارىعىنان 600 مىڭعا جۋىق Audi كولىگىن كەرى شاقىردى. بۇل تۋرالى life.ru حابارلادى.
National Highway Traffic Safety Administration اگەنتتىگىنىڭ اقپارى بويىنشا Audi A5 (2013-2016), A5 Cabriolet (2013–2016), Q5 (2013–2016), Allroad (2013–2016), A4 (2013–2016) جانە A6 (2012–2015) ۇلگىسىندەگى 342 مىڭنان استام كولىك جانىپ كەتۋى مۇمكىن دەگەن قاۋىپ بار. سۇيىقتىقتى سالقىنداتاتىن سورعىشى سالقىنداتۋ جۇيەسىنىڭ سالدارىنان قوقىسقا تولىپ قالۋى مۇمكىن. ءوز كەزەگىندە بۇل ماشينانىڭ ورتەنىپ كەتۋىنە اكەلەدى.
سونىمەن قاتار, Audi Q5 (2011–2015) مودەلىندەگى كولىكتەر قاۋىپسىزدىك جاستىعىنا بايلانىستى كەرى قايتارىلادى. مالىمەتتەرگە سايكەس, ونىڭ گاز گەنەراتورىندا اقاۋ بارى انىقتالعان. قاۋىپسىزدىك جاستىعىنىڭ جۇيەسى ىسكە قوسىلعان ساتتە كولىك ىشىندەگى ادامداردى جاراقاتتاۋى مۇمكىن دەگەن قاتەر بار.