قىرعىز رەجيسسەرى ومۋرزاك تولوبەكوۆ قازاقستان پرەزيدەنتى تۋرالى «الەمدىك نازارباەۆ» اتتى دەرەكتى فيلم ءتۇسىردى, دەپ جازادى knews.kg. فيلم قىرعىز جانە ورىس تىلدەرىندە تسىرىلگەن. اۆتورلاردىڭ ايتۋىنشا, فيلم نۇرسۇلتان نازارباەۆتىڭ جاس كەزىندە بىرنەشە جىل قىرعىزستاندا جۇرگەن كەزەڭىنە ارنالعان.
«ءبىز نازارباەۆپەن تانىس بولعان, دوس بولعان بىرنەشە ادامدى تاپتىق. ولار بىزگە قىزىقتى سۇحبات بەردى. نازارباەۆ قىرعىزستاندا وسكەن, ول ءبىزدىڭ ءتىلىمىزدى, حالقىمىزدى, مادەنيەتىمىزدى جاقسى بىلەدى. قازىر قازاقستاندا 300 مىڭعا جۋىق قىرعىزستاندىق ميگرانت ءجۇر, بۇل ءۇشىن وعان العىسىمىزدى بىلدىرەمىز», - دەدى ومۋرزاك تولوبەكوۆ.
پروديۋسەرلەر جوبانى ءوز قاراجاتتارىنا تۇسىرگەن. 55 مينۋتتىق فيلم بيۋدجەتى 20 مىڭ دوللاردى قۇراعان. كارتينانى بيىلعى 17 اقپاننان باستاپ قىرعىزستان كينوتەاترلارىنان كورسەتىلەدى.