اقش-تىڭ ۆيزالىق وفيتسەرلەرى قۇراما شتاتتارعا كىرۋ ءۇشىن تۇسكەن وتىنىمدەردى قاراۋ بارىسىندا ولاردىڭ يەلەرىنىڭ الەۋمەتتىك جەلىلەردەگى اككاۋنتتارىن تەكسەرەتىن بولادى. بۇل تۋرالى ءباسپاسوز ءماسليحاتىندا اقش ىشكى قاۋىپسىزدىك ءمينيسترى دجون كەللي ءمالىم ەتتى, دەپ جازادى «ريا نوۆوستي».
«ۆيزالارعا وتىنىمدەردى وڭدەۋ بارىسىندا الەۋمەتتىك جەلىلەردى تەكسەرۋ ىسكە اسىرىلادى», - دەدى مينيستر.
ايتا كەتەيىك, ترامپ 27 قاڭتار كۇنى گرين-كارتالاردى يەلەنۋشىلەرگە - يران, يراك, يەمەن, ليۆيا, سيريا, سومالي جانە سۋدان ازاماتتارىنا اقش اۋماعىنا تىيىم سالاتىن جارلىققا قول قويدى. ونىمەن قوسا, 120 كۇن مەرزىمگە سيريالىق بوسقىنداردى قابىلداۋ توقتاتىلدى. ونىڭ سوزىنشە, بارلىق ەلدەر ازاماتتارىنا ۆيزالاردى بەرۋ 90 كۇن ىشىندە قاۋىپسىزدىك ساياساتىندا قوسىمشا شارالار قابىلدانعان ساتتە قايتا جانداندىرىلاتىن بولادى.