جاڭا جىل «ماڭگىلىك ەلدى» تۇعىرلاندىرۋعا باعىتتالعان اسا ماڭىزدى وقيعالارمەن باستالىپ وتىر. قازاقستان دامۋىنىڭ قارىشتى قادامدارى جاڭا مىندەتتەردى العا شىعارىپ, ونىڭ تابىستى ورىندالۋىن تالاپ ەتەدى. ۋاقىت وزەگىندەگى العىشارتتار ەلباسى نۇرسۇلتان نازارباەۆتىڭ تەرەڭ ويلاستىرىلعان باستامالارىنان كورىنىس تاۋىپ, حالىق قولداۋىنا يە بولۋدا. بۇگىنگى كۇنى جۇرتشىلىق مەملەكەتتىك بيلىك تارماقتارى اراسىندا وكىلەتتىكتەردى ءبولۋ جونىندەگى كونستيتۋتسيالىق رەفورمالاردى تەرەڭ تالقىلاۋ ۇستىندە. ال كەشە ءباسپاسوز بەتتەرىندە پرەزيدەنتتىڭ قازاقستان حالقىنا ارناعان كەڭ اۋقىمدى جولداۋى جاريالاندى. ەل جاسامپازدىق پەن جاڭعىرۋدىڭ جاڭا كەزەڭىن باستادى.
اقمولا وبلىسىنىڭ اكىمى سەرگەي كۋلاگيننىڭ توراعالىعىمەن وتكەن اكتيۆ جينالىسى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى مەن ەلباسى ن.ءا.نازارباەۆتىڭ حالقىمىزعا ارناعان «قازاقستاننىڭ ءۇشىنشى جاڭعىرۋى»: جاھاندىق باسەكەگە قابىلەتتىلىك» اتتى جولداۋىن تالقىلاۋعا ارنالدى.
وبلىس اكىمى ءوز سوزىندە: «قازاقستان رەسپۋبليكاسىنىڭ اتا زاڭىنا وزگەرىستەر ەنگىزۋ پرەزيدەنتتىڭ بىرقاتار قۇزىرەتىن ۇكىمەت پەن پارلامەنتكە بەرۋگە مۇمكىندىك تۋعىزادى, – دەدى. – ەل پارلامەنتىنىڭ دارەجەسى ارتادى, سوت جانە پروكۋراتۋرا جۇيەلەرىن, جەرگىلىكتى باسقارۋ مەن ءوزىن ءوزى باسقارۋ سالاسىن ءارى قاراي جەتىلدىرۋ بويىنشا جۇمىستار جۇرگىزىلەدى. بيلىك تارماقتارىن ءبولۋ – دەموكراتيالىق ۇلگىلى ۇردىستەردىڭ زاڭدى جالعاسى. ۇكىمەت پەن پارلامەنتتىڭ جەتەكشى ورىندارعا كوتەرىلۋى بەلگىلەنگەن مىندەتتەر جاۋاپكەرشىلىگىن كۇشەيتۋمەن قاتار, قوعامدىق بەلسەندىلىكتى ارتتىرا ءتۇسۋى قاجەت. وبلىسىمىزدا اتالعان كەڭ كولەمدى كونستيتۋتسيالىق رەفورمانى تۇرعىندار اراسىندا ءتۇسىندىرۋ ماقساتىنداعى شارالاردىڭ كەستەسى بەكىتىلىپ, جۇمىس بارىسىن كورسەتۋدىڭ مەديا-جوسپارى ءتۇزىلدى.
سونداي-اق, وبلىس اكىمى ەلباسىنىڭ «جاڭعىرتۋ 3.0» جولداۋىنىڭ قازاقستاننىڭ تاريحي دامۋىنىڭ جاڭا كەزەڭىنە تۇتقالى ۇستانىمدارى جايلى تاراتىپ ايتتى. «ال ەلباسى نۇرسۇلتان نازارباەۆتىڭ قازاقستان حالقىنا جولداۋىندا ۋاقىت ورىندەگى مىناداي مىندەتتەر قويىلدى, – دەدى سوزىندە وبلىس اكىمىنىڭ ورىنباسارى نۇرلان نۇركەنوۆ. – مەملەكەت باسشىسى: «بۇل جاڭعىرۋ – قازىرگى جاھاندىق سىن-قاتەرلەرمەن كۇرەس جوسپارى ەمەس, بولاشاققا, «قازاقستان-2050» ستراتەگياسى ماقساتتارىنا باستايتىن سەنىمدى كوپىر بولماق. ول ۇلت جوسپارى – «100 ناقتى قادام» بازاسىندا وتكىزىلەدى. مەن ونىڭ بەس نەگىزگى باسىمدىعىن كورىپ وتىرمىن. ولار ەكونوميكانىڭ əلەمدىك ءوسىمىنىڭ ورتا دەڭگەيدەن جوعارى قارقىنىن قامتاماسىز ەتۋگە جəنە 30 وزىق ەلدىڭ قاتارىنا قاراي تۇراقتى تۇردە ىلگەرىلەۋگە لايىقتالعان», دەدى ءوز جولداۋىندا».
ودان ءارى بايانداماشى ەلباسى بەلگىلەگەن نەگىزگى بەس باسىمدىقتى جەرگىلىكتى مىسالدارمەن بايلانىستىرا ساراپتادى. بىلتىرعى جىلدىڭ قورىتىندىسى بويىنشا وبلىستىڭ الەۋمەتتىك-ەكونوميكالىق دامۋىندا بارلىق سالالار بويىنشا تۇراقتى ءوسىم قامتاماسىز ەتىلگەنىن ايتتى.
وبلىستىڭ دەپۋتاتتىق كورپۋسى, باسقارمالار مەن دەپارتامەنتتەردىڭ, قۇقىق قورعاۋ ورگاندارىنىڭ باسشىلارى, قوعامدىق ۇيىمدار مەن ساياسي پارتيالاردىڭ جانە بۇقارالىق اقپارات قۇرالدارىنىڭ وكىلدەرى قاتىسقان جيىندا وبلىستىق اۋرۋحانانىڭ باس دارىگەرى سەرىك اياعانوۆ, «ۆيدەرگەبۋرت» نەمىس قوعامدىق ۇيىمىنىڭ ءتورايىمى سۆەتلانا كورنەەۆا, جاستار رەسۋرستىق ورتالىعىنىڭ جەتەكشىسى تيمۋر يسكاكوۆ ءسوز سويلەدى.
باقبەرگەن امالبەك,
«ەگەمەن قازاقستان»
اقمولا وبلىسى