ەلىمىزدىڭ ەكى وبلىسىندا بۇرقاسىن مەن كورۋ مۇمكىنشىلىگىنىڭ بولماۋىنا بايلانىستى تاس جولدار جابىلدى. بۇل تۋرالى تج كوميتەتى «قۇرىلىس, جولاۋشىلار كولىگى جانە اۆتوموبيل جولدارى باسقارماسى» مم-گە سىلتەمە جاساپ حابارلادى.
جامبىل وبلىسىندا 30 قاڭتار ساعات 23:30-دان باستاپ اۋا رايىنىڭ قولايسىزدىعىنا (بۇرقاسىن, كورۋ مۇمكىنشىلىگىنىڭ بولماۋى) بايلانىستى وبلىستىق ماڭىزى بار «ب.مومىش ۇلى-قوشقاراتا» تاس جولىنىڭ 10-65 شاقىرىم ارالىعى بارلىق كولىكتەر ءۇشىن جابىق.
الماتى وبلىسىندا 31.01.2017 جىلى ساعات 12:00-دەن باستاپ اۋا رايىنىڭ قولايسىزدىعىنا (بۇرقاسىن, كورۋ مۇمكىنشىلىگىنىڭ بولماۋى) بايلانىستى وبلىستىق ماڭىزى بار «تالدىقورعان-قاپال» تاس جولىنىڭ 0-76 شاقىرىم ارالىعىندا بارلىق كولىك تۇرلەرى ءۇشىن قوزعالىس شەكتەلدى.