سايلاۋ ۋچاسكەلەرى الدىندا جۇرگىزىلگەن exit-poll قورىتىندىلارى
2011 جىلدىڭ 3 ساۋىرىندە «ستراتەگيالىق تالداۋلار قورى» قوعامدىق قورى كەزەكتەن تىس پرەزيدەنت سايلاۋىندا داۋىس بەرگەن قازاقستاندىقتار اراسىندا ساۋالداما جۇرگىزدى. سايلاۋشىلارعا ساۋالدار سايلاۋ ۋچاسكەلەرىنەن شىققان بەتتە قويىلدى.
زەرتتەۋ 14 وبلىس پەن استانا جانە الماتى قالالارىندا بارلىعى 118 سايلاۋ ۋچاسكەلەرىندە ءجۇرگىزىلدى. سايلاۋ ۋچاسكەلەرىن ءىرىكتەۋ ەل وڭىرلەرى بويىنشا گەوگرافيالىق ورنالاسۋى جانە قالا مەن اۋىل حالقىنىڭ تەپە-تەڭ ءبولىنۋىنە سايكەس جۇزەگە اسىرىلدى.
ءار سايلاۋ ۋچاسكەسىندە ورتا ەسەپپەن 210 ادامعا سۇراۋ سالىندى, ىرىكتەۋدىڭ جيىنتىق ءمولشەرى 24 782 ادامدى قۇرايدى. جالپى سانى 230-دان استام سۇحبات الۋشى جۇمىسقا تارتىلدى. ساۋالداما جۇرگىزۋ سايلاۋ ۋچاسكەلەرىنىڭ اشىلۋىمەن (جەرگىلىكتى ۋاقىت بويىنشا 7.00 ساعات) ءبىر مەزگىلدە باستالىپ, ولار جابىلعان كەزدە (20.00 ساعاتتا) اياقتالدى.
مالىمەتتەر بويىنشا سايلاۋشىلاردىڭ سايلاۋ ۋچاسكەلەرىنە كەلۋى 88,3 پايىزدى قۇرادى.
زەرتتەۋ ناتيجەلەرى بويىنشا سايلاۋشىلار داۋىستارى تومەندەگىشە ءبولىندى.
ن.نازارباەۆ – 95,57%;
ع.قاسىموۆ – 1,94%;
م.ەلەۋسىزوۆ – 1,44%;
ج.احمەتبەكوۆ – 1,05%.