الماتىدا ۋنيۆەرسيادانىڭ بىرنەشە سپورت نىسانىنداعى جارىستار اۋا رايىنىڭ قولايسىزدىعىنا بايلانىستى كەيىنگە شەگەرىلدى, دەپ حابارلايدى vesti.kz.
«شىمبۇلاق» تاۋ شاڭعىسى كەشەنى تاسجولىنداعى كۇن رايىنىڭ بۇزىلۋىنا بايلانىستى تاۋ شاڭعىسى جارىسىنا كىرەتىن ايەلدەر اراسىنداعى سۋپەرگيگانتتان باسەكەلەر كەيىنگە قالىپ وتىر. سونىمەن قاتار, «سۇڭقار» كەشەنىندە ءوتىپ جاتقان شاڭعى قوسسايىسى باعدارلاماسىنداعى ترامپليننەن سەكىرۋ سايىستارى كەيىنگە قالدى. «سۇڭقار» شاڭعى-بياتلون كەشەنىندەگى بياتلوننان جانە شاڭعى جارىستارى كەستەسى وزگەرۋى مۇمكىن.
الماتى قالاسىنىڭ توتەنشە جاعدايلار دەپارتامەنتى «قازگيدرومەت» رمك داۋىلدى الدىن الا ەسكەرتۋى نەگىزىندە قار كوشكىنى جۇرەتىنىن ەسكەرتىپ وتىر. ىلە الاتاۋىندا قاتتى جاۋىن-شاشىننىڭ اسەرىنەن جانە قار جامىلعىسىنىڭ بيىك بولۋىنان 31 قاڭتار مەن 1 اقپان ارالىعىندا قار كوشكىنى كۇتىلۋدە.