«استانا ەكسپو-2017» ۇلتتىق كومپانياسى» اق باسقارما توراعاسى احمەتجان ەسىموۆ قاتار مەملەكەتى ۇلتتىق سەكتسياسىنىڭ كوميسسارى احمەد الي ءال-تاميميمەن كەزدەستى. باسقوسۋ بارىسىندا قوس تاراپ استانادا وتەتىن حالىقارالىق شاراعا قاتىسۋ كەلىسىمشارتىنا قول قويدى.
جيىندا احمەتجان ەسىموۆ ۇلتتىق كومپانيا وكىلدەرى كورمەگە قاتىسۋشىلارعا پاۆيلوندار تاپسىرۋ جۇمىستارىن قارقىندى ءجۇرگىزىپ جاتقاندىعىن اتاپ ءوتتى. ءبۇگىنگى تاڭدا حالىقارالىق قاتىسۋشىلارعا 13 پاۆيلون تاپسىرىلعان. ولاردىڭ قاتارىنداعى ءباا مەن يوردانيا سىندى مەملەكەتتەر پاۆيلوندارىنىڭ ىشكى ديزاينىن ارلەۋ جۇمىستارىنا كىرىسىپ كەتتى.
قاتار مەملەكەتىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ءارى كورمە كوميسسارى ءوز پاۆيلوندارىن كورىپ, اتقارىلعان جۇمىس ساپاسىنا ريزاشىلىعىن ءبىلدىردى. «ءبىز سوڭعى كەزدەرى جوعارى دەڭگەيلى كوپتەگەن شارالارعا قاتىسۋعا تىرىسامىز. ءتىپتى, 2012 جىلعى يوسۋدا وتكەن ەكسپو-دا قولا جۇلدەگەر اتاندىق. سوندىقتان, كورمە قوناقتارىن مەيلىنشە تاڭ قالدىرامىز دەگەن ۇمىتتەمىز. قاتار پاۆيلونى ۇزدىكتەردىڭ قاتارىندا بولارى انىق. ال مەملەكەتىمىزدىڭ ۇلتتىق كۇنى وتكەندە ەلىمىزدەن جوعارى لاۋىزىمدى تۇلعالار كەلەتىن بولادى», دەدى احمەد الي ءال-تاميمي.
ايتا كەتۋ كەرەك, ميلاندا ۇيىمداستىرىلعان ەكسپو-2016 كورمەسىندە قاتارلىق پاۆيلونعا 2 ميلليوننان استام ادام كەلگەن. استاناداعى ەكسپو-2017 كورمەسىندەگى قاتار پاۆيلونىنىڭ اۋدانى 457 شارشى مەتر, ول ءباا, فرانتسيا, رۋمىنيا جانە سلوۆاكيامەن كورشىلەس بولادى.
ءدال وسى كۇنى ازەربايجان مەن اۆستريا مەملەكەتتەرىنە پاۆيلوندارى تاپسىرىلدى. قازىرگى كۇنى 112 مەملەكەت پەن 18 حالىقارالىق ۇيىم استاناداعى حالىقارالىق مامانداندىرىلعان كورمەگە قاتىساتىندىعىن رەسمي راستادى, ونىڭ 5-ءى – اراب مەملەكەتتەرى.
اسحات رايقۇل,
«ەگەمەن قازاقستان»