«نۇر وتان» پارتياسى وبلىستىق فيليالىنىڭ ۇسىنىسىمەن جۇرتشىلىق اراسىندا ارقيلى پىكىرلەر تۋدىرعان ۋاقىتشا تىركەۋ ماسەلەسى قارالىپ, تالقىلاۋعا قالالىق ءماسليحات دەپۋتاتتارى, ءبىلىم بەرۋ, دەنساۋلىق ساقتاۋ, كوشى-قون مەكەمەلەرىنىڭ وكىلدەرى قاتىستى.
كوشى-قون پوليتسياسى باسقارماسىنىڭ ءبولىم باستىعى ەرمەك نۇسىرباەۆ ءوز ەسەبىندە جاڭادان ەنگىزىلگەن ونلاين تىركەۋى جايلى جان-جاقتى اقپارات بەرىپ, تۇرعىندار ءجيى شاتاستىراتىن «تۇرعىلىقتى جەر بويىنشا تىركەۋ» جانە «ۋاقىتشا تىركەۋ» ۇعىمدارىنىڭ ارا-جىگىن اجىراتىپ بەردى. ۋاقىتشا تىركەلۋ ءۇشىن تۇراقتى تىركەۋدەن شىعۋ شارت ەمەس. ماسەلەن, ءبىلىم قۋىپ كەلگەن ستۋدەنتتەر جاتاقحاناعا ۋاقىتشا تىركەلسە جەتكىلىكتى.
بۇعان دەيىن ۋاقىتشا تىركەۋ ءتارتىبى حالىققا قىزمەت كورسەتۋ ورتالىقتارىندا جۇزەگە اسىرىلىپ كەلسە, ەندى ونلاين رەجىمى دە قولدانىلادى. بۇل قىزمەت تۇرلەرى ءىرى ساۋدا ورىندارىندا, م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە, پەتروپاۆل كاسىپتىك-پەداگوگيكالىق كوللەدجىندە كورسەتىلەدى. «ەgov.kz» «ەلەكتروندى ۇكىمەتىنىڭ» پورتالى ارقىلى دا تىركەلەدى. ونىڭ قىزمەتىن پايدالانۋشىلار قاتارى ءوسىپ كەلەدى.
تۇرعىنداردىڭ جاپپاي تىركەلۋىنە بايلانىستى حالىققا قىزمەت كورسەتۋ ورتالىقتارىنىڭ جۇمىس مەرزىمى ۇزارىپ, دەمالىسسىز جۇمىس ىستەۋ رەجىمىنە كوشكەن. ءتارتىپ ساقشىلارى مەن مەيىربيكەلەر كەزەكشىلىك اتقارادى.
وبلىستىق جەرگىلىكتى پوليتسيا قىزمەتىنىڭ باستىعى قانات ايتباەۆ ۋاقىتشا تىركەۋ ۇدەرىستەرى كەزىندە ەشبىر كەلەڭسىزدىكتەردىڭ ورىن الماعانىن, الداعى ۋاقىتتا دا كىدىرىسسىز جۇمىس ىستەيتىنىن, ول ءۇشىن قوسىمشا شارالار قاراستىرىلعانىن جەتكىزدى. بىرىڭعاي بايلانىس ورتالىعى ارقىلى كەز كەلگەن ماسەلە بويىنشا تولىققاندى جاۋاپ الۋعا بولادى.
قازىر 14 مىڭنان استام ادام ۋاقىتشا تىركەۋگە الىنعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى