«قازمۇنايگاز» بارلاۋ ءوندىرۋ» اق 2016 جىلدىڭ وپەراتسيالىق ناتيجەلەرىن جاريالادى.
«وزەنمۇنايگاز» اق (ومگ) 5 555 مىڭ توننا (تاۋلىگىنە 112 مىڭ باررەل) ءوندىردى, بۇل 2015 جىلعا قاراعاندا 1%-عا ارتىق. «ەمبىمۇنايگاز» اق (ەمگ) 2 832 مىڭ توننا (تاۋلىگىنە 57 مىڭ باررەل) ءوندىردى, بۇل 2015 جىلمەن سالىستىرعاندا 0,3 %-عا كوپ. ناتيجەسىندە, ومگ جانە ەمگ-ءنىڭ جالپى ءوندىرۋ كولەمى 8 387 مىڭ توننانى (تاۋلىگىنە 169 مىڭ باررەل) قۇرادى, بۇل 2015 جىلداعىدان 1%-عا ارتىق.
قمگ ءبو-ءنىڭ CCEL, قگم جانە پقي كومپانيالارىنىڭ وندىرۋىندەگى ۇلەسى 2016 جىلى 3 767 مىڭ توننانى (تاۋلىگىنە 76 مىڭ باررەل) قۇراپ, 2015 جىلعا قاراعاندا 6 %-عا كەم ءتۇستى, بۇل نەگىزىنەن پقي-داعى مۇناي ءوندىرۋ دەڭگەيىنىڭ تابيعي جولمەن ازايۋىنا بايلانىستى بولدى.
قمگ ءبو «قازگەرمۇناي» بك» جشس (قگم), «قاراجانباسمۇناي» اق (CCEL), «پەتروقازاقستان ينك.» (پقي) ۇلەستەرىن قوسا العاندا, 2016 جىلى 12 154 مىڭ توننا (تاۋلىگىنە 245 مىڭ باررەل) مۇناي ءوندىردى, بۇل 2015 جىلمەن سالىستىرعاندا 2%-عا كەم.