وتكەن جىلى وبلىس ەكونوميكاسىندا ايتارلىقتاي ءوسۋ بايقالدى. تاۋار ءوندىرۋ كولەمى 21,5%, قىزمەت – 7% ءوستى. جالپى ايماقتىق ءونىم كولەمى – 2,6 ترلن. تەڭگەگە جەتتى, دەپ حابارلادى وبلىس اكىمدىگىنىڭ ءباسپاسوز قىزمەتى.
وتكەن جىلعى وبلىستىق ەكونوميكالىق ءوسىمنىڭ باستى درايۆەرىن وندىرىستىك, اۋىل شارۋاشىلىعى, ترانسپورت, قارجىلىق سەكتور قۇرادى.
2015 جىلمەن سالىستىرعاندا ءوندىرىس كولەمى 4,9% ءوستى, بۇل رەسپۋبليكا بويىنشا 2 ورىن. سالانىڭ ورتاشا ايلىق ءوسىمى 4,3% قۇرادى.وندىرىستەگى نەگىزگى ءوسىمنىڭ كوزى رەتىندە وندىرىستىك جانە وڭدەۋ سالاسىنىڭ, سونىمەن قاتار تاۋ-كەن ءوندىرىسىنىڭ ونىمدەرى قۇرادى. ايماق باسشىسىنىڭ ايتۋىنشا, 2016 جىلدىڭ 6 جەلتوقسانىنداعى يندۋستراليزاتسيا كارتاسى وبلىستاعى ءوندىرىس كولەمىنىڭ ارتۋىنا ىقپال ەتتى.
وندىرىستىك ونىمدەردىڭ كولەمى رەسپۋبليكا بويىنشا 10,2% قۇرادى. بۇل اتىراۋ وبلىسىنان كەيىنگى 2 ورىندا تۇر. ال وڭدەۋ سالاسى بويىنشا – 19,4%, بۇل 1 ورىن. 2016 جىلى ەڭبەك ونىمدىلىگى 65 مىڭ. دوللاردى قۇراپ, 1 ورىندى يەلەندى.
اۋىل شارۋاشىلىعى سالاسى دا بەلسەندى دامۋ ۇستىندە. اۋىل شارۋاشىلىعىنىڭ ىشكى ءونىم كولەمى مالشارۋاشىلىعى مەن وسىمدىك شارۋاشىلىعى ەسەبىنەن8,6% ءوستى. سالانىڭ ورىستەۋىنە 2015 جىلمەن سالىستىرعاندا 25,3% وسكەن ينۆەستيتسيا كولەمى دە ايتارلىقتاي ىقپال ەتتى.
ەكونوميكالىق ءوسىمدى قالىپتاستىرۋعا بيزنەستىك جول كارتاسى اياسىندا كاسىپكەرلىكتى دامىتۋ مەن قولداۋ ايتارلىقتاي ىقپال ەتۋدە. قۇرىلىس سالاسىندا 147,8 ملرد.تەڭگەنىڭ جۇمىسى ورندالعان, فيزيكالىق كولەمنىڭ يندەكسى 2015 جىلعا قاراعاندا 87,7% قۇرادى. ايماق بويىنشا 340,8 مىڭ شارشى مەتر تۇرعىن ءۇي پايدالانۋعا بەرىلدى.
ينفراقۇرىلىمدى دامىتۋ مەن ەكونوميكانى قولداۋدىڭ باستى اسپابى رەتىندە مەملەكەتتىك باعدارلامالار مەن داعدارىسقا قارسى جوسپارلاردى ايتۋعا بولادى. ەكونوميكا جانە قارجى باسقارماسىنىڭ جەتەكشىسى ولگا چەرنياۆسكايانىڭ ايتۋىنشا, مەملەكەتتىك جانە ۇكىمەتتىك باعدارلامانىڭ اياسىندا 2016 جىلى 72,2 ملرد. تەڭگە نەمەسە 96,5 % يگەرىلدى.سونىمەن بىرگە وبلىس ەكونوميكاسىن دامىتۋ بەلسەندى الەۋمەتتىك ساياساتتى جۇزەگە اسىرۋعا جول اشتى. 12 540جاڭا جۇمىس ورنى اشىلدى. ەڭبەك اقى 9,4% ءوسىپ, 123,7 مىڭ. تەڭگەنى قۇرادى.