28 قاڭتار كۇنى سيريانىڭ الەپپو قالاسىندا بەس جىلدان كەيىن العاش رەت فۋتبول ماتچى ۇيىمداستىرىلدى. بۇل تۋرالى sport-express.ru حابارلادى.
The Sun اقپاراتى بويىنشا «ال-يتتيحاد» پەن «حۋرريا» كلۋبتارى اراسىندا وتكەن جولداستىق كەزدەسۋ 2:1 ەسەبىمەن اياقتالدى.
ايتا كەتەيىك, قارۋلى قاقتىعىستاردىڭ سالدارىنان تەڭبىل دوپ ويىنى بۇل قالادا سوڭعى رەت 2011 جىلى وتكىزىلگەن. وتكەن جىلدىڭ جەلتوقسان ايىندا ەل اسكەرى الەپپونى لاڭكەستەردەن ازات ەتىپ, بيلىك ورناتتى.