ورتا جانە شاعىن بيزنەستىڭ دامۋىنا جول اشاتىن تەتىكتەر قاراستىرىلعان جيىندا وبلىس باسشىسى ا. كولگىنوۆ وتكەن جىلى بۇل باعىتتاعى جوبالار ءتيىمدى جۇزەگە اسقانىن, ەڭ باستىسى, اۋداندار مەن ەلدى مەكەندەردى قامتىعانىن اتاپ ءوتتى, دەپ حابارلادى وبلىس اكىمدىگىنىڭ ءباسپاسوز قىزمەتى.
بيىل دا شارۋاعا بەيىم ازاماتتار ءۇشىن ۇلكەن مۇمكىندىكتەر اشىلماق. سەبەبى وسى جىلى وبلىس اكىمدىگى مەن «دامۋ» قورى 1,5 ملرد. تەڭگە قارجى ءبولىپ, ول سوما قالا مەن اۋداندارعا 8,5 پايىزبەن نەسيە رەتىندە بەرىلەدى.
ءار كاسىپورىننىڭ 50 ملن. تەڭگەگە دەيىن قارجى الۋىنا مۇمكىندىگى بار. ال وبلىس اكىمدىگى مەن وڭىرلىك كاسىپكەرلىك پالاتاسى 600 ملن. تەڭگە ءبولىپ, اۋىلداعى اعايىن ءۇشىن 7 پايىز مولشەرلەمەدە نەسيە بەرۋدى قاراستىرماقشى.
اۋدانداعى كاسىپورىندارعا 18 ملن. تەڭگەگە دەيىن قارجى بەرۋ جوسپارلانۋدا. سونداي-اق بيىل «بيزنەستىڭ جول كارتاسى – 2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا جەكە كاسىپكەرلىكتى قولداۋعا 1,6 ملرد. تەڭگە قارجى قاراستىرىلعان.
ايتا كەتەيىك, باتىس قازاقستان وبلىسى اۋىل شارۋاشىلىعىنا قولايلى ءوڭىر بولعاندىقتان, بيىل وبلىس بويىنشا 500 بورداقىلاۋ الاڭىن سالۋ جوسپارلانۋدا.
وسى جىلى بولىنەتىن قارجى جەكە كاسىپكەرلەر مەن جاڭا كاسىپتى قولعا الاتىن باتىسقازاقستاندىقتار ءۇشىن ۇلكەن قولداۋ بولماق. بۇل جوبالار ءوز كەزەگىندە جاڭا جۇمىس ورىندارىنىڭ اشىلۋىنا دا جاعداي تۋعىزادى.