تاراز قالاسىنىڭ پروكۋراتۋراسى مەكتەپ قابىرعاسىندا ۇيالى تەلەفونداردى پايدالانۋعا تىيىم سالدى, دەپ حابارلايدى قازاقپارات.
«گادجەتتەردى پايدالانۋعا سالىنعان تىيىم ۇيالى تەلەفونداردىڭ ۇرلىعىن بولدىرماۋمەن بايلانىستى شارالاردىڭ ءبىرى رەتىندە قولعا الىندى», - دەپ ناقتىلادى قالا پروكۋرورى بەكزات سەيىلحان.
جامبىل وبلىستىق ءىىد-ءنىڭ جەرگىلىكتى پوليتسياسىنىڭ مالىمەتىنشە, وڭىردەگى قىلمىستاردىڭ رەيتينگىندە ۇيالى تەلەفونداردىڭ ۇرلىعى ءبىرىنشى ورىندا تۇر. وتكەن 2016 جىلى پوليتسيا قىزمەتكەرلەرى ۇيالى تەلەفونداردىڭ ۇرلىعىمەن اينالىسىپ كەلگەن 12 ۇيىمداسقان قىلمىستىق توپتىڭ جولىن كەستى.
«پروفيلاكتيكالىق جۇمىستىڭ باسەڭدەۋى كامەلەتكە تولماعاندار اراسىنداعى قىلمىستىڭ ارتۋىنا الىپ كەلدى. بۇگىندە تارازدا كامەلەتكە تولماعاندارمەن 28 ءموبيلدى توپ جۇمىس ىستەيدى. وقۋشىلار اراسىندا ساۋالناما وتكىزىلدى, مەكتەپتەر ۋچاسكەلىك ينسپەكتورلارمەن جانە بەينەكامەرالارمەن قامتاماسىز ەتىلدى. مەكتەپتەردە گادجەتتەردىڭ قولدانىلۋىنا تىيىم سالىندى», - دەدى ب.سەيىلحان.
بۇل رەتتە, جاڭاشىلدىققا قارسىلىق بىلدىرگەن اتا-انالار ءتۇرلى ينستانتسيالارعا شاعىمدارىن تۇسىرە باستادى.