30 قاڭتار كۇنى ەل اۋماعىنىڭ باسىم بولىگىندە تۇراقسىز اۋا رايى ساقتالادى, كەي جەرلەردە قار, وڭتۇستىك وبلىستاردا جاۋىن-شاشىن كۇتىلەدى. تاۋلى ايماقتاردا جاۋىن-شاشىن قاتتى بولادى. رەسپۋبليكانىڭ كەي وڭىرلەرىندە تۇمان, كوكتايعاق, ەكپىندى جەل بولجانادى, وڭتۇستىك-باتىستا جەل جاياۋ بۇرقاسىنمەن بولادى.
قازگيدرومەتتىڭ حابارلاۋىنشا, اقمولا, باتىس قازاقستان, اقتوبە, قوستاناي, سولتۇستىك قازاقستان, پاۆلودار, شىعىس قازاقستان وبلىستارىنىڭ كەي جەرلەرىندە تۇمان كۇتىلەدى. تۇندە الماتى وبلىسىنىڭ كەي اۋماقتارىن تۇمان باسىپ, كۇندىز جەلدىڭ كۇشى 15-20 م/س بولادى, جالاڭاشكول اۋدانىندا جەل 23-28 م/س كۇشەيەدى.
وڭتۇستىك قازاقستان وبلىسىنىڭ كەي جەرلەرىندە تۇمان كۇتىلەدى, جەلدىڭ كۇشى 15-20, ەكپىنى 23-28 م/س جەتەدى.
قىزىلوردا وبلىسىنىڭ جەكەلەگەن جەرلەرىندە تۇمان, كوكتايعاق, 15-20 م/س جىلدامدىقتا جەل بولادى.
ماڭعىستاۋ وبلىسىنىڭ كەي جەرلەرىندە تۇمان, كوكتايعاق, جاياۋ بۇرقاسىن كۇتىلەدى.
جامبىل وبلىسىنىڭ كەي جەرلەرىندە تۇمان, كوكتايعاق بولۋى ىقتيمال, 15-20 م/س ەكپىنمەن سوققان جەلدىڭ جىلدامدىعى 25 م/س ارتادى.
كۇندىز وبلىستىڭ وڭتۇستىك-باتىسىندا جەلدىڭ كۇشى 30 م/س-قا جوعارىلايدى.