مەكسيكالىقتار اقش تاۋارىن تۇتىنۋدان باس تارتۋ تۋرالى باستاما كوتەردى, دەپ حابارلايدى حابار24.
ۇسىنىس الەۋمەتتىك جەلى ارقىلى قالىڭ جۇرتقا بىردەن تاراعان. حالىقتىڭ مۇنداي قادامعا بارۋىنا اق ءۇي باسشىسى دونالد ترامپتىڭ مەكسيكامەن اراعا قورعان سالۋ تۋرالى جارلىققا قول قويۋى سەبەپ بولدى.
باستاماعا امەريكالىق «ستارباكس» كومپانياسى الاڭداپ, مەكسيكا نارىعىندا ءىس جۇرگىزۋ ءۇشىن ميلليونداعان دوللار قارجى جۇمساپ, 7 مىڭ جاڭا جۇمىس ورنىن اشقانىن مالىمدەدى. دەگەنمەن الەۋمەتتىك جەلىدە كوتەرىلگەن باستامانى تۇرعىنداردىڭ ءبارى بىردەي قولداي قويعان جوق.
"مەنىڭ ويىمشا, امەريكالىق ونىمدەرگە بويكوت جاريالاپ, بىردەن باس تارتۋ دۇرىس ەمەس. ويتكەنى ولار ءبىزدىڭ ەكونوميكامىزعا ينۆەستيتسيا قۇيىپ, قانشاما ازاماتىمىزدى جۇمىسپەن قامتىپ وتىر. ول كومپانيالاردى قۋاتىن بولساق, ينۆەستيتسيادان دا ايىرىلامىز. سوندىقتان باس تارتپاس بۇرىن ونىڭ بىزگە قانداي اسەرى بارىن ويلانعانىمىز دۇرىس", - دەيدى ينۆەستور كارلوس سليم.