ەلباسى نۇرسۇلتان نازارباەۆ مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەسى رەسپۋبليكا دامۋىنىڭ جۇيەلى جانە زاڭدى كەزەڭى بولىپ تابىلاتىندىعىن ايتىپ, دەنساۋلىق ساقتاۋ مينيسترلىگىن قايتادان قۇرعان ەدى. باسشىلىعىنا ەلجان ءبىرتانوۆ تاعايىندالدى. بۇل دەر كەزىندە قولعا الىنعان ماسەلە, سەبەبى, مەملەكەتىمىز ءۇشىن ادام ءومىرى, حالىق دەنساۋلىعىنان ارتىق ەشتەڭە جوق. وسىناۋ جاعىمدى جاڭالىققا اسىرەسە, 40 جىل بويى سەمەي يادرولىق پوليگونى بومبالارىنىڭ جارىلىسى استىندا ءومىر سۇرۋگە ءماجبۇر بولىپ, ءتۇرلى قاتەرلى دەرتتەرگە ۇشىراعان, ادام ايتقىسىز زارداپ شەككەن حالىق رەتىندە ءبىز قاتتى قۋانىپ وتىرمىز. رەسپۋبليكالىق «ەگەمەن قازاقستان» گازەتىنىڭ 2017 جىلعى 16 قاڭتارداعى №15 سانىندا جۋرناليست راۋشان نۇعمانبەكوۆانىڭ «قوسىلۋدان قول ۇزارسا جاقسى عوي...» اتتى ماقالاسى شىقتى. وندا مەنىڭ بەرگەن اقپاراتتارىم بويىنشا جانە جەرگىلىكتى تۇرعىنداردىڭ وتىنىشىمەن سەمەي قالاسىنداعى ناركولوگيالىق ديسپانسەردىڭ وڭتايلاندىرىلماۋى جايلى ايتىلعان ەدى. وسى ماقالادان الەۋمەتتىك قورعاۋ جانە دەنساۋلىق ساقتاۋ مينيسترلىگىنەن بىزگە حابارلاسىپ, سەمەي قالاسىنداعى حالىققا اسا قاجەتتى ناركولوگيالىق ديسپانسەر پسيحولوگيالىق اۋرۋحاناعا ءازىرشە قوسىلمايتىندىعىنان حاباردار ەتتى. سوندىقتان دا, مەكەمە قىزمەتكەرلەرىمىز بەن ناۋقاستارىمىزدىڭ, سەمەيلىكتەردىڭ اتىنان زور ريزاشىلىعىمىزدى ايتىپ, ماسەلەنى دەر كەزىندە كوتەرگەنى ءۇشىن «ەگەمەن قازاقستان» گازەتىنىڭ باسشىلىعىنا, ۇجىمىنا ەرەكشە العىسىمدى بىلدىرەمىن.
پاۆەل برىجاحين,
سەمەي قالالىق ناركولوگيالىق ديسپانسەرىنىڭ ديرەكتورى
شىعىس قازاقستان وبلىسى