قازاقستان جاسامپازدىقتىڭ جاڭا كەزەڭىندە

گۇلشارا ابدىقالىقوۆا, قازاقستان رەسپۋبليكاسىنىڭ مەملەكەتتىك حاتشىسى:

قازاقستان جاسامپازدىقتىڭ جاڭا كەزەڭىندە

سارسەنبى كۇنى قازاقستان پرەزيدەنتى نۇرسۇلتان نازارباەۆ پرەزيدەنت, پارلامەنت جانە ۇكىمەت اراسىندا وكىلەتتىكتەردى قايتا ءبولۋ ماسەلەلەرىنە بايلانىستى قازاقستاندىقتارعا ۇندەۋ ارنادى. مەملەكەت باسشىسىنىڭ اتاپ وتكەنىندەي, وسىنىڭ بارلىعى مەملەكەتتىك اتقارۋشى ورگاندار مەن ولاردىڭ جەتەكشىلەرىنىڭ جاۋاپكەرشىلىگىن ارتتىرۋ ماقساتىندا جاسالىپ وتىر. ول ەل كونستيتۋتسياسى مەن زاڭدارعا وزگەرىستەر ەنگىزۋدى قاجەت ەتەدى. «الداعى رەفورما ءبىزدىڭ دامۋىمىزدىڭ قيسىنى مەن تۇتاستاي قازىرگى زامانعى دامۋ قيسىنىنا ارقا سۇيەيدى, – دەپ اتاپ ءوتتى ەلباسى ۇندەۋدە. – نەگىزگى ءمانى – پرەزيدەنت ءوزىنىڭ بىرقاتار وكىلەتتىگىن پارلامەنت پەن ۇكىمەتكە بەرەدى... پارلامەنتتىك سايلاۋلاردا جەڭىسكە جەتكەن پارتيا ۇكىمەتتى جاساقتاۋعا شەشۋشى تۇردە ىقپال ەتەتىن بولادى». بيلىك تارماقتارىندا وكىلەتتىكتەردى قايتا بولۋشىلىك جاۋاپكەرشىلىكپەن بىرگە, ساياسي باسەكەلەستىك تە اكەلەدى. بۇل دەموكراتيالىق جانە قۇقىقتىق مەملەكەتتى ءارى قاراي دامىتۋدا ماڭىزدى قادام بولىپ تابىلادى. ەلىمىز بيىلعى جىلى كەزەكتى تاريحي بەلەسىنە بەت بۇردى.  قازاق­ستان جان-جاقتى جاڭارۋ مەن جاسامپازدىقتىڭ شيرەك عاسىرلىق جاڭا كەزەڭىنە كوشۋدە. ءجۇرىپ وتكەن العاشقى 25 جىل­دىق كەزەڭ تاۋەلسىز قازاقستان رەس­­پۋبليكاسىنىڭ قۇرىلۋى مەن قالىپتاسۋىنىڭ نەگىزگى ءناتي­جە­لەرىمەن سالماقتانادى. بۇل بەلەستە ەلىمىزدىڭ نارىقتىق ەكونوميكاسى مەن دەموكراتيالىق ساياسي جۇيەسى ورنىقتى, وركەنيەتتى قوعا­مى قالىپتاستى, جاھانعا قۋاتتى مەملەكەت رەتىندە تانىلدىق. ەندىگى جەردە ۋاقىت كەرۋەنى الدىمىزعا جاڭا كەلەلى مىندەت­تەر قويۋدا. بۇل مىندەتتەر ەلباسى نۇرسۇلتان نازارباەۆ بەل­گى­­لەپ بەرگەن ستراتەگيالىق باعىت­تار­دان تۋىنداۋدا ءارى كوز ىلەس­پەس جىلدامدىقپەن دامىپ كەلە جات­قان جاھاندانۋدىڭ تەگەۋرىندى تول­قىنىنا ىلەسۋگە باعدار ۇسى­نىپ وتىر. سوندىقتان, ەلباسى ۇسىنعان كونستيتۋتسيالىق رەفورمانىڭ جوباسى ءوزىنىڭ وزەكتىلىگىمەن ءارى تەرەڭدىگىمەن ەرەكشەلەنەتىن اسا قۇندى باستاما. ايتالىق, مەملەكەتتىك بيلىك تارماقتارىنىڭ وكىلەتتىكتەرىن قايتا بولۋگە قادام باسۋىمىز – مەملەكەتتىڭ, ەكونوميكانىڭ جانە قوعامنىڭ قول جەتكىزگەن دامۋ دەڭگەيىن سەزىنۋدىڭ ناقتى ءناتي­جەسى, ەلدىڭ ودان ءارى ىرعاقتى دامۋى­نا باعىتتالاتىن اۋقىمدى شارا. سونىمەن بىرگە, الەمدىك دامۋ­دىڭ باستى ترەندى – ينكليۋزيۆتى جاھاندانۋ بىزدەن ۋاقىتتىڭ كۇردە­لەنگەن سىن-تەگەۋرىندەرىنە قاتىس­تى تولىمدى جاۋاپ قاي­تارۋىمىزدى تاباندى تۇردە تالاپ ەتۋدە. بۇعان قوسا, «قازاقستان-2050» سترا­تەگياسىنىڭ نەگىزگى ماق­سات­تارىنا قول جەتكىزۋدە, سون­­­داي-اق الەمنىڭ ەڭ وزىق 30 ەلى­­­­نىڭ قاتارىنا كىرۋ ءۇشىن ەكو­نو­­مي­­كا­­لىق جانە الەۋ­مەتتىك-مادەني دامۋ جولىنداعى ساياسي قون­دىر­عى­­نى جاڭارتۋ قاجەت­تىگىن ۋاقىت­تىڭ ءوزى العا تارتۋدا. كونستيتۋتسيالىق رەفورمالار جوباسىن بۇكىلحالىقتىق تالقى­لاۋعا شىعارۋ ەلىمىزدى قازىرگى زامانعى دەموكراتيا جولىنا باستاپ كەلە جاتقان ەلباسىنىڭ اسا جوعارى ساياسي دەڭگەيىن ايعاق­تايدى. وسى ارقىلى قازاقستان الەم­دىك قوعامداستىقتىڭ بەدەلدى ءارى تانىلعان مەملەكەتى, بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە بارشا جۇرتشىلىققا  وركەنيەتتى دامۋ­عا سەنىمدى دە زەردەلى ءارى باتىل قادام باسىپ وتىرعانىن تاعى دا ايقىنداپ بەرىپ وتىر.