شۆەيتساريانىڭ نون قالاسىندا جاستار اراسىنداعى «ەۋرو-2019» ىرىكتەۋ دوداسىنىڭ جەرەبەسى تارتىلىپ, قازاق جاستارىنىڭ قارسىلاستارى انىقتالدى.
جەرەبە تارتۋ بارىسىندا قازاقستان جاستارى بەلارۋس, كيپر, بوسنيا, ازەربايجان سىندى قۇرامالارمەن بىرگە بەسىنشى سەبەتكە تۇسكەن. سونداي-اق, سوڭعى ساياسي توتەنشە جاعدايلارعا بايلانىستى ۋەفا باسشىلىعى جەرەبە تارتۋ بارىسىندا يسپانيا مەن گيبرالتاردى ءبىر توپقا تۇسپەيتىندەي ەتتى. بۇدان بولەك, كوسوۆو جاستارى دا بوسنيا نەمەسە سەربيا قۇرامالارىمەن كەزدەسە المايتىنداي قىلدى.
ال جالپى, 2019 جىلى يتاليادا وتەتىن ەۋروپا چەمپيوناتىنىڭ فينالدىق كەزەڭىنە بەرىلەر 11 جولداماعا 54 قۇراما تالاسپاق. بارلىعى توعىز توپ. توپ جەڭىمپازدارى بىردەن اپەننين تۇبەگىنە بەرىلەر تىكەلەي جولدامالارعا يە بولسا, ءوز توپتارىندا ەكىنشى ورىن العانداردىڭ ىشىندەگى ۇزدىك تورتەۋى قالعان ەكى جولدامانى ەكى ويىننان تۇراتىن ىرىكتەۋ ويىنداردا ساراپقا سالادى.
قازاقستان جاستارى فرانتسيا, سلوۆەنيا, قاراتاۋ, بولگاريا جانە ليۋكسەمبۋرگ قۇرامالارىنا قارسى وينايدى. ىرىكتەۋ دوداسى وسى جىلدىڭ ناۋرىز ايىندا باستالادى.
ايتا كەتەيىك, قازاقستان جاستار قۇراماسىنىڭ باس باپكەرلىك قىزمەتىنە جاقىندا عانا وتاندىق مامان ۆلاديمير نيكيتەنكو تاعايىندالعان بولاتىن.
قازاقستان جاستارىنىڭ ويىندار كەستەسى
28.03.2017. ليۋكسەمبۋرگ – قازاقستان
13.06.2017. چەرنوگوريا – قازاقستان
01.09.2017. قازاقستان – چەرنوگوريا
05.09.2017. فرانتسيا – قازاقستان
06.10.2017. بولگاريا – قازاقستان
10.10.2017. قازاقستان – بولگاريا
23.03.2018. قازاقستان – فرانتسيا
27.03.2018. قازاقستان – ليۋكسەمبۋرگ
07.09.2018. قازاقستان – سلوۆەنيا
11.09.2018. سلوۆەنيا – قازاقستان