بۇگىن «الماتى ارەنا» مۇز سارايىندا XXVIII دۇنيەجۇزىلىك قىسقى ۋنيۆەرسيادانىڭ اشىلۋ سالتاناتى وتەدى. دودانىڭ اشىلۋ سالتاناتىن «قازاقستان» جانە «Kazsport» تەلەارنالارى تىكەلەي ەفيردە كورسەتەدى. ترانسلياتسيانىڭ باستالۋى 18:55-تە, دەپ حابارلايدى قازاقپارات.
الماتىدا وتەتىن دۇنيەجۇزىلىك قىسقى ۋنيۆەرسيادا ويىندارىندا ەل نامىسىن 12 سپورت تۇرىنەن 175 سپورتشى قورعايدى.
بۇعان دەيىن حابارلاعانىمىزداي, ۋنيۆەرسيادانىڭ اشىلۋ سالتاناتىندا تەك قازاقستاندىق ارتىستەر, ورىنداۋشىلار, بيشىلەر ونەر كورسەتەدى. 28-ءشى بۇكىلالەمدىك قىسقى ۋنيۆەرسيادانى دايىنداۋ جانە وتكىزۋ جونىندەگى ديرەكتسياسى ديرەكتورى نايل نۋروۆتىڭ ايتۋىنشا, اشىلۋ سالتاناتىن قويۋ, وڭدەۋ, دەكوراتسياسىن جاساۋعا تەك قازاقستاندىق كومپانيالار قاتىسقان.