بۇگىن قىزىلوردادا الماتىدا وتەتىن 28-ءشى بۇكىلالەمدىك قىسقى ۋنيۆەرسيادانىڭ وڭىرلىك ەستافەتاسىن تابىستاۋ ءراسىمى ءوتتى. وبلىس اكىمى قىرىمبەك كوشەرباەۆ ەستافەتانىڭ كەلۋىمەن قۇتتىقتاپ, قاتىسۋشىلارعا ساتتىلىك تىلەدى.
«بۇكىلالەمدىك قىسقى ۋنيۆەرسيادانىڭ ءساتتى وتۋىنە تىلەكتەستىك بىلدىرەمىز. بۇل كەڭ اۋقىمدى شارادا جاستىق پەن دوستىق جەڭەدى دەپ ۇمىتتەنەمىز», – دەدى وبلىس اكىمى.
وڭىرلىك ەستافەتا الاۋى قالاداعى تۇڭعىش پرەزيدەنت ساياباعىنان باستالىپ, 60 الاۋگەر ونى «بولاشاق» ۋنيۆەرسيتەتى مەن «بۇقارباي باتىر» ەسكەرتكىشى ارقىلى الاۋ جاعۋ ءراسىمى مەن گالا-كونتسەرت وتكىزىلىپ جاتقان ورتالىق الاڭعا اپاردى. سودان سوڭ ەستافەتا الاۋىن قورقىت اتا اۋەجايىنا دەيىن شىعارىپ سالدى.