جەرلەسىمىز ديماش قۇدايبەرگەنوۆ قىتايدىڭ چاڭشا قالاسىندا ءوتىپ جاتقان «I am a singer» ءان بايقاۋىنىڭ ەكىنشى كەزەڭىندە دە 1-ورىن الدى.
بۇعان دەيىن حابارلانعانداي, ول ۆيتاستى بارشا الەمگە تانىتقان «وپەرا 2» ءانىن ورىندادى. ءاندى ۆيتاستىڭ داۋىسىنان 4 مودۋلياتسيامەن 2 تون جوعارى ورىنداعان ديماشقا ءتىپتى, قاتىسۋشىلار دا ەرىكسىز تاڭ قالىپ جاتتى.
اسپاناستى ەلىندە ۆيتاستىڭ دا ەسىمى ءدال وسى انمەن تانىلعان.
ايتا كەتەيىك, ديماش قۇدايبەرگەنوۆ بايقاۋدىڭ ءبىرىنشى كەزەڭىندە SOS d’un terrien en détresse ءانىن ورىنداپ, جەڭىمپاز اتانعان. بۇل كونكۋرستا بارلىعى 14 كەزەڭ بار.