جەتىسۋ تورىندە ۋنيۆەرسيادانىڭ الاۋ ەستافەتاسى وتە جوعارى دەڭگەيدە وتۋدە. تالدىقورعاندىق جاستار سپورتشىلارىمىزعا قولداۋ كورسەتۋ ماقساتىندا فلەشموب ۇيىمداستىردى, دەپ حابارلايدى قازاقپارات.
500 جاس «U» ءəرپى مەن «2017» سانىن جازدى. وسىلايشا ولار əلەمدىك دەڭگەيدەگى دودادا باق سىناساتىن ءبىزدىڭ سپورتشىلارىمىزعا ءوز قۇرمەتتەرىن كورسەتتى.
ايتا كەتۋ كەرەك, الماتى وبلىسىنان 6 سپورتشى ۋنيۆەرسياداعا قاتىسىپ, ەل نامىسىن قورعايدى. قازىر وبلىس ورتالىعىندا الاۋ ەستافەتاسىن الىپ ءجۇرۋ شاراسى ءوتىپ جاتىر.
سالتاناتتى شارانى اشقان وبلىس باسشىسى الاۋگەر اتانىپ, ماڭىزدى ميسسيانى اۋىر اتلەتيكادان ريو وليمپياداسىنىڭ قولا جۇلدەگەرى كارينا گوريچەۆاعا تابىس ەتتى. جاستار ساياباعىنان باستالعان شارادا 60 ادام ۋنيۆەرسيادا الاۋىن ۇستاپ ءجۇرۋ قۇرمەتىنە يە بولدى. ولاردىڭ قاتارىندا سپورتتىق دودالاردا ەل نامىسىن قورعاپ, كوك بايراعىمىزدى كوككە جەلبىرەتىپ جۇرگەن جاندار دا بار.
اتاپ ايتساق, حالىقارالىق جارىستاردىڭ جەڭىمپازى, بوكسشى جانىبەك ءالىمحان ۇلى جانە ريودا وتكەن پاراليمپيادا ويىندارىنىڭ كۇمىس جۇلدەگەرى راۋشان قويشىباەۆا, گرەك-ريم كۇرەسىنەن الەم چەمپيوناتىنىڭ قولا جۇلدەگەرى, XVII جازعى ازيا ويىندارىنىڭ جەڭىمپازى, الەم جانە ازيا چەمپيونى, ريو-دە-جانەيرودا وتكەن XXXI جازعى وليمپيادا ويىندارىنا قاتىسۋشى نۇرماحان تىناليەۆتەر الاۋگەر بولادى.