قازاقستان پارلامەنتى ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى امزەبەك جولشىبەكوۆ ليتۆا رەسپۋبليكاسى پارلامەنتىنىڭ دەپۋتاتى يۋستيناس كاروساسپەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋدە سايلاۋ ناۋقانىنا قاتىستى ماسەلەلەر جانە قازاقستاننىڭ ىشكى جانە سىرتقى ساياساتتاعى ۇستانىمى ءسوز بولدى. ەلىمىزدەگى ەتنوستاردىڭ تاتۋلىعى, جاراسىم مەن كەلىسىمى اتاپ ءوتىلدى.
قوس مەملەكەت اراسىنداعى پارلامەنتارالىق بايلانىستى دامىتۋ جايى اڭگىمەلەندى. ايتا كەتۋ كەرەك, ۇستىمىزدەگى جىلى جازدا قازاقستان پارلامەنتشىلەرىنىڭ ليتۆا مەن لاتۆياعا ساپارمەن باراتىنى جوسپارلانىپ وتىر.
بۇل جۇزدەسۋگە ءماجىلىس دەپۋتاتتارى رومين ءمادينوۆ پەن ۆلاديمير نەحوروشەۆ قاتىستى.
-------------------------------------------
سۋرەتتى تۇسىرگەن جاسۇلان قۇسپانوۆ.