فرانتسيا مەن ليۋكسەمبۋرگ گاستروەنتەرولوگتارى كوپتەگەن ءتىس پاستالارى مەن ساعىزداردىڭ قۇرامىندا بولاتىن E171 (ديوكسيد تيتان) بوياۋىنىڭ دەنساۋلىققا اسا قاتەرلى ەكەنىن انىقتادى. بۇل تۋرالى Scientific Reports جۋرنالىندا جاريالاندى, دەپ حابارلايدى The Independent.
ديوكسيد تيتان, عالىمداردىڭ پىكىرىنشە, قاتەرلى ىسىك اۋرۋىن تۋىنداتاتىن كانتسەرەگەن بولۋى مۇمكىن. مۇنداي تۇجىرىمعا ولار كورتىشقاندارعا جاساعان زەرتتەۋىنەن كەيىن كەلىپ وتىر. 100 كۇن بويى قاتارىنان E171 قوسپاسى بەرىلگەننەن كەىن, ولاردىڭ 40 پايىزىندا قاتەرلى ىسىك اۋرۋلارىنىڭ العىشارتتارى قالىپتاسقان.
E171 قوسپاسى تيتان ونەركاسىبىنىڭ باستى ءونىمى سانالادى. تاعام ونەركاسىبىندە ول نەگىزىنەن اق ءتۇس بەرۋ ءۇشىن پايدالانىلادى. اسىرەسە, تاتتىلەر مەن ساعىزدارعا, ءتىس پاستاسى مەن كۇن ساۋلەسىنەن قورعايتىن كرەمدەرگە كوپ قوسىلادى ەكەن.