ەلىمىزدە الماتى – قاپشاعاي جانە استانا – تەمىرتاۋ جول ۋچاسكەلەرى اقىلى بولماقشى. بۇل تۋرالى «قازاۆتوجول» اق-نىڭ 2016 جىلدى قورىتىندىلاۋ ەسەبىندە ءمالىم ەتتى, دەپ حابارلايدى abctv.kz.
كاسىپورنىنىڭ مالىمەتتەرىنە سايكەس, 2017 جىلدىڭ ەكىنشى جارتىجىلدىعىندا الماتى – قاپشاعاي جانە استانا – تەمىرتاۋ جول ۋچاسكەلەرى اقىلى جۇيە ەنگىزىلمەكشى.
بۇعان دەيىن حابارلانعانداي, ەلىمىز اقىلى جولداردان 41 ملرد تەڭگە پايدا تاپپاق. 2020 جىلعا قاراي اقىلى جولداردىڭ ۇزاقتىعى 6,98 مىڭ شاقىرىمعا جەتەدى. «باتىس ەۋروپا – باتىس قىتاي ءدالىزىنىڭ تاس جولدارى, استانا – اتباسار, الماتى – قاپشاعاي, پاۆلودار – رەسەي شەكاراسى (ومبى باعىتى) جول ۋچاسكەلەرى اقىلى بولادى.