كورۋ مۇمكىنشىلىگىنىڭ بولماۋىنان جانە بۇرقاسىننان بۇگىن سەمەيدە ەكى اۋىسىمدى مەكتەپتەردەگى بارلىق ساباقتار توقتاتىلدى. ساعات 14.00-دەن باستاپ قازىرگە دەيىن «وبلشىعىسجول» قمك كورۋ مۇمكىنشىلىگىنىڭ بولماۋىنان جانە بۇرقاسىن سالدارىنان كەيبىر اۋدانداردا تاس جولداردىڭ جابىلعاندىعى تۋرالى حابارلاما جىبەرۋدە, دەپ حابارلايدى قازاقپارات.
ساعات 16-داعى دەرەكتەرگە سۇيەنسەك, «وبلشىعىسجول» اقپاراتى بويىنشا نوۆوپوكروۆكا-پەتروپاۆلوۆكا-زۋباير-بايتانات وبلىستىق دەڭگەيدەگى جالپى قولدانىستاعى تاس جولداردا 0-41 شاقىرىمداعى ۋچاسكەسىندە (پەتروپاۆلوۆكا 25-37 كم بايتانات) بۇرقاسىن مەن كورۋ مۇمكىنشىلىگىنىڭ بولماۋى سالدارىنان ترانسپورتتىڭ بارلىق تۇرلەرى ءۇشىن جول جابىق. ودان بولەك, بورودۋليحا - جەزكەنت وبلىستىق دەڭگەيدەگى جالپى قولدانىستاعى تاس جولىندا 0-49 شاقىرىمداعى ۋچاسكەسىندە (سوسنوۆكا اۋىلىنان 22-49 كم جەزكەنت اۋىلىنا دەيىن) قاتتى بۇرقاسىن مەن كورۋ مۇمكىنشىلىگىنىڭ بولماۋى سالدارىنان ترانسپورتتىڭ بارلىق تۇرلەرى ءۇشىن جول جابىلدى.
«شار - باكىرچيك» (0-42 كم), ۆوسكرەسەنوۆكا-پەتروپاۆلوۆكا-شەلەحوۆا-بەل-اگاش-دميتريەۆكا وبلىستىق دەڭگەيدەگى جالپى قولدانىستاعى تاس جولدارىندا 0-64 شاقىرىمداعى ۋچاسكەسىندە (ۆوسكرەسەنوۆكا 4 - 47 كم زەنكوۆكا) قاتتى بۇرقاسىن, بوران مەن كورۋ مۇمكىنشىلىگىنىڭ بولماۋى سالدارىنان كولىكتىڭ بارلىق تۇرلەرى ءۇشىن جول جابىلدى.
«قازگيدرومەت» رمك بولىمشەسىنىڭ اقپاراتىنا سۇيەنسەك, 24 قاڭتار كۇنى وبلىستىڭ كەيبىر اۋماعىندا بۇرقاسىن بولادى, جەلدىڭ ۇيىتقۋى 15-20 م/سەك, كەي جەرلەردە م/سەكۋندقا دەيىن جەتەدى دەپ كۇتىلۋدە.