قازاقستان رەسپۋبليكاسىنىڭ اۋىل شارۋاشىلىعى مينيسترلىگى «اۋىل شارۋاشىلىعى داقىلدارىنىڭ سورتتارىن سىناۋ جونىندەگى مەملەكەتتىك كوميسسيا» رەسپۋبليكالىق مەملەكەتتىك مەكەمەسىمەن بىرلەسىپ ساتۋعا ۇسىنىلاتىن رەپرودۋكتسيالارى بويىنشا سورتتى تۇقىمداردىڭ كولەمىن, اتتەستاتتالعان تۇقىم وڭدىرۋشىلەردىڭ اتاۋلارىن, ولاردىڭ تۇرعىلىقتى جەرىن جانە بايلانىس دەرەكتەرىن, سونداي-اق باعا ۇسىنىمىن كورسەتۋمەن اۋىل شارۋاشىلىعى داقىلدارىنىڭ سورتتارى مەن بۋداندارى بويىنشا دەرەكتەر بازاسىن ازىرلەدى.
سول سياقتى ءاربىر سورت بويىنشا شارۋاشىلىق-بيولوگيالىق قىسقاشا سيپاتتاماسى, ۇسىنىلاتىن توپىراق-كليماتتىق ايماقتار جانە پايدالانۋ باعىتى بەرىلگەن.
ماقسات – 2017 جىلدىڭ ەگىنىنە سەبى ءۇشىن تۇقىمداردى ىرىكتەپ الۋدا اۋىل شارۋاشىلىعى تاۋارىن وندىرۋشىلەرگە كومەك كورسەتۋ.
دەرەكتەر بازاسى قازاقستان رەسپۋبليكاسى اۋىل شارۋاشىلىعى مينيسترلىگىنىڭ www.mgov.kz جانە «اۋىل شارۋاشىلىعى داقىلدارىنىڭ سورتتارىن سىناۋ جونىندەگى مەملەكەتتىك كوميسسيا» رمم www.goskomsort.kz سايتتارىندا ورنالاستىرىلعان.