مەملەكەت باسشىسى قر اشم الدىنا اۋىل ازاماتتارىن اۋىل شارۋاشىلىعى كووپەراتسيالارىن كەڭ اۋقىمدا قۇرۋعا ىنتالاندىرۋ جانە جەرگىلىكتى تۇرعىنداردى جۇمىسپەن قامتۋدا جقش الەۋەتىن پايدالانۋ بويىنشا بىرقاتار مىندەتتەر قويدى, دەپ جازادى اۋىل شارۋاشىلىعى مينيسترلىگى.
قازىرگى تاڭدا, بۇل باعىتتاعى ناسيحات جۇمىستارىن جوعارى دەڭگەيدە جۇرگىزۋ ءۇشىن مينيسترلىكتە ۆەدومستۆا قىزمەتكەرلەرى مەن عىلىمي ۇيىمدار وكىلدەرىنەن قۇرىلعان ساراپشىلار توبى قۇرىلدى. ايتالىق, ا.ج. 23 قاڭتارىنان باستاپ «اتامەكەن» ۇكپ اگروبىلىكتىلىك ورتالىعى مەن «قازاق اگروونەركاسىپتىك كەشەنىنىڭ ەكونوميكاسى جانە اۋىلدىق اۋماقتاردى دامىتۋ عزي» جشس بىرىگە وتىرىپ اۋىل شارۋاشىلىعى كووپەراتيۆتەرىن قۇرۋ بويىنشا بەس كۇندىك وقىتۋ كۋرستارىن باستاپ كەتتى.
اتالعان كۋرستاردىڭ قورىتىندىسى مەن ەمتيحانداردان سوڭ وڭىرلەرگە ءتۇسىندىرۋ جۇمىستارىن جۇرگىزەتىن ساراپشى توپتار تاڭداپ الىنادى. سونداي-اق, بۇل ۇدەرىسكە پيلوتتىق مارتەبەدە جۇمىس جۇرگىزىپ جاتقان نۇرا اۋدانىنىڭ 12 كووپەراتيۆى مەن وزگە دە قۇرىلىمدار قاتىسادى.
ايتا كەتەيىك, اشم اتالعان جۇمىستار ءۇشىن ءوز قىزمەتكەرلەرىن دايارلاۋ ۇستىندە.
العا قويىلعان مىندەتتەردىڭ ۇدەسىنەن شىعۋ ءۇشىن ا.ج. 30 قاڭتارىنان باستاپ ەلىمىزدىڭ بارلىق ايماقتارىندا اۋىل تۇرعىندارىنا اۋىل شارۋاشىلىعى كووپەراتيۆتەرىن قۇرۋ بويىنشا ترەنينگتەر وتكىزۋ جوسپارلانۋدا.
بۇدان بولەك, جەر جەرلەردە جۇرگىزىلەتىن وقىتۋ بارىسىندا بۇعان دەيىن قۇرىلعان كووپەراتيۆتەردىڭ مونيتورينگى جۇرگىزىلەدى. ياعني, ءتيىستى ينفراقۇرىلىمىنىڭ بارلىعى مەن قايتا وڭدەۋشى كاسىپورىندارمەن ءوزارا بايلانىسى, وتكىزۋ نارىعى مەن وزگە دە ماسەلەلەرى ساراپتالادى.
تاعى ءبىر ايتا كەتەرلىك جايت, مۇنىڭ ناتيجەسىندە اۋىل شارۋاشىلىعى كووپەراتيۆتەرىنىڭ مالىمەتتەر بازاسىن قۇرۋ جانە ولارمەن ۇدايى بايلانىستا بولۋ جۇيەسىن جولعا قويۋ كوزدەلۋدە.