دىنمۇحاممەد (ديماش) قۇدايبەرگەن قانات ۇلى 1994 جىلى 24 مامىردا اقتوبە قالاسىندا قازاقستان رەسپۋبليكاسىنىڭ مادەنيەت قايراتكەرلەرى قانات قۇدايبەرگەن ۇلى مەن سۆەتلانا ايتباەۆانىڭ وتباسىندا دۇنيەگە كەلگەن.
ديماشتىڭ اتا-اناسى تانىمال انشىلەر قانات جانە سۆەتا ايتباەۆتار. ديماشتىڭ اكەسى قانات ايتباەۆ - وبلىستىق فيلارمونيانىڭ باسشىسى, اناسى سۆەتلانا ايتباەۆا – وبلىستىق ماسليحات دەپۋتاتى. ديماشتىڭ اتا-اجەلەرى دە مۋزىكالىق ادامدار. ءبىرى دومبىرادا ويناسا, ەكىنشىسىنىڭ ءان ايتۋعا بەيىمى بار. ديماشتىڭ راۋشان اتتى قارىنداسى, مانسۇر اتتى ءىنىسى بار.
ەڭ العاش رەت سپەكتاكلدە ويناۋىمەن تانىلا باستادى. بەس جاسىندا مۋزىكالىق كوللەدج ساحناسىندا العاش ءانشى رەتىندە ءان سالعان. التى جاسىندا “اينالايىن” رەسپۋبليكالىق بايقاۋىنىڭ “فورتەپيانو” نوميناتسياسىندا جەڭىمپاز اتانعان.
2010 جىلى "بايقونىردىڭ اسەم داۋىستارى" حالىقارالىق فەستيۆالىنىڭ ءى جۇلدە لاۋرەاتى اتاندى. 2012 جىلى “جاس قانات” رەسپۋبليكالىق جاس ءان ورىنداۋشىلار بايقاۋىنىڭ گران-پري جۇلدەسىنە يە بولىپ, وسى جىلى “ۆوستوچنىي بازار” حالىقارالىق بايقاۋىندا ءى جۇلدە لاۋرەاتى اتاندى. 2013 جىلى ديماش قۇدايبەرگەن “مەيكين ازيا” ءى حالىقارالىق فەستيۆالىنىڭ جەڭىمپازى بولدى.
سونىمەن قاتار ديماش ۆيتەبسك قالاسىندا وتكەن XXIV حالىقارالىق ەسترادالىق ءان ورىنداۋشىلار «سلاۆيان بازارى-2015» بايقاۋىندا گران-پري جەڭىپ العان. ەكى كۇن ىشىندە جاس ءانشى 175 ۇپاي جيناعان. بىرىنشى كۇنى ول كونستانتين مەلادزە كومپوزيتورىنىڭ «وپيات مەتەل» ءانىن, ال ەكىنشى كۇنى فرانتسۋز ءانشىسى گرەگوري لەمارشال رەپەرتۋارىنان الىنعان «Sos dun terien un detresse» ءانىن ورىندادى.
2015 جىلى 28 قازان كۇنى ىستانبۇلدا ديماش قۇدايبەرگەن “Abu TV” حالىقارالىق ازيا-تىنىق مۇحيت فەستيۆالىندا قازاقستان رەسپۋبليكاسىنىڭ اتىنان العاش رەت قاتىستى.
ديماش قۇدايبەرگەن 5 جاسىنان باستاپ فورتەپيانودا ويناۋدى ۇيرەنگەن. بالالار حورىندا ءان ايتقان. ول 2014 جىلى ديماش احمەت جۇبانوۆ اتىنداعى مۋزىكالىق كوللەدجدە اكادەميالىق ءان ورىنداۋ سىنىبىن ءتامامداپ, قازاق ۇلتتىق ونەر ۋنيۆەرسيتەتىنىڭ “ەسترادا ونەرى” فاكۋلتەتىنە ءتۇستى.
ديماش سەرب, يتاليان, فرانتسۋز, اعىلشىن, ورىس ت.ب تىلدەردە ءان ورىندايدى.
مالىمەتتەر ۋيكيپەديادان الىندى