قازاقستاندىقتار 2 جىلدا 32 ەلدەن جالپى قۇنى 62,2 ملرد. تەڭگە بولاتىن م ۇلىكتى زاڭداستىردى, دەپ جازادى LS مەملەكەتتىك كىرىستەر كوميتەتىنە سىلتەمە جاساپ.
مەكەمەنىڭ مالىمەتتەرى بويىنشا, 408 نىساننىڭ 96 پايىزى تۇرعىن-ۇيلەر (پاتەر, جەكە ءۇي ج.ت.ب). تۇرعىن ءۇي نىساندارىنىڭ ورتاشا قۇنى – 158,6 ملن. تەڭگە, ال كوممەرتسيالىق نىسانداردىڭ ورتاشا قۇنى – 35,4 ملن. تەڭگە.
مەكەمەنىڭ تۇسىندىرۋىنشە, شەتەلدىك م ۇلىكتى الۋشىلاردىڭ كوبى الماتىلىقتار. ولار ءاربىر نىسانعا ورتا ەسەپپەن 334,2 ملن. تەڭگەدەن جۇمساعان. بۇل كورسەتكىش جاعىنان ەكىنشى ورىندا 72,7 ملن. تەڭگەمەن استانالىقتار, ءۇشىنشى ورىندا 66,4 ملن. تەڭگەمەن اقتوبە وبلىسىنىڭ تۇرعىندارى تۇر. شەتەلدەگى قوزعالمايتىن م ۇلىككە قارجى جۇمساۋ جاعىنان ەڭ تومەنگى كورسەتكىش اقمولا (2,5 ملن. تەڭگە) مەن قوستاناي (2,5 ملن. تەڭگە) جانە پاۆلودار (1,6 ملن. تەڭگە) وبلىستارىنا تيەسىلى بولىپ وتىر.
ەڭ قىمبات ساتىپ الۋلار ۇلىبريتانيادا جاسالعان. وندا 22 نىسانعا 52,4 ملرد. تەڭگە جۇمسالعان. ونىڭ 52 ملرد. تەڭگەسىن 18 م ۇلىك نىسانىن قۇرايدى. ەكىنشى ورىندا بىرىككەن اراب امىرلىگى ء(باا). وندا زاڭداستىرىلعان 119 تۇرعىن-ءۇيدىڭ باعاسى 5,7 ملرد. تەڭگە كولەمىندە بولىپ وتىر. بۇل ەۋروپالىق مەملەكەتتەردەن 10 ەسە از.
تىركەلگەن م ۇلىكتەر سانى بويىنشا رەسەي كوش باستاۋدا. وندا 568 ملن. تەڭگەنىڭ 142 نىسانى بار. ال ءباا مەن تۇركيادا 808 ملن. تەڭگەنىڭ 36 نىسانى ورنالاسقان. تاپ سول كەزدە قازاقستاننىڭ وزىندە 1,3 ترلن. تەڭگەنىڭ 150.8 مىڭ نىسانى زاڭداستىرىلعان. ونىڭ 69 %-نىڭ ورتاشا قۇنى 9,9 ملن. تەڭگەنى قۇرايتىن تۇرعىن-ۇيلەر. ال كوممەرتسيالىق نىسانداردىڭ قۇنى 18,8 ملن. تەڭگەنى قۇراپ وتىر.