«بارسەلونا» فۋتبول كلۋبىنىڭ شابۋىلشىسى ليونەل مەسسي جالاقىسى ەڭ جوعارى فۋتبولشى اتانۋى مۇمكىن. بۇل تۋرالى eurosport.ru حابارلادى.
يسپانيالىق كوماندا بەس دۇركىن «التىن دوپ» يەگەرىنە سالىقتى ەسەپتەمەگەندە جىلىنا 39,4 ميلليون ەۋرو اقشا ۇسىنۋعا دايىن وتىر. ال كەلىسىمشارت بويىنشا ونىڭ ترانسفەرلىك قۇنى 250 ميلليون ەۋرونى قۇرايدى.
سونداي-اق, وزگە كومانداعا اۋىسقان جاعدايدا بۇل سومانىڭ 10 ميلليون ەۋروسىن وزىنە الۋعا قۇقىلى. قازىرگى كەلىسىمى 2017/18 ماۋسىمىنىڭ سوڭىنا دەيىن. ال جالاقىسى – 22,8 ميلليون ەۋرو. مالىمەتتەر بويىنشا, رەسمي ۇسىنىس وسى ايدىڭ سوڭىنا جاسالادى.
بىرەر كۇن بۇرىن ارگەنتينالىق فۋتبولشىنىڭ اكەسى حوركە مەسسي ۇلىنىڭ ەشقايدا كەتپەيتىندىگىن سەنىمدى تۇردە ايتقان بولاتىن. بۇل ماۋسىمدا ول 24 ماتچقا قاتىسىپ, 27 گولدىڭ اۆتورى اتانعان.
ايتا كەتەيىك, وتكەن ايدا قىتايدىڭ «شانحاي شەنحۋا» كومانداسىنا اۋىسقان كارلوس تەۆەس جالاقىسى ەڭ جوعارى فۋتبولشىلاردىڭ رەيتينگىندە كوش باستاعان.