ۋنيۆەرسيادا-2017 سپورت دوداسىنىڭ قارساڭىندا وڭتۇستىك استاناعا زاڭسىز كەلگەن شەتەلدىكتەردى انىقتاۋ جۇمىستارى قارقىندى ءجۇرىپ جاتىر, دەپ حابارلادى krisha.kz.
الماتى پروكۋراتۋراسىنىڭ مالىمەتى بويىنشا, 10 كۇندىك جۇمىس ىشىندە 246 ادامنىڭ ميگراتسيالىق زاڭدى بۇزعانى انىقتالىپ, ولار مەملەكەتتەن شىعارىلدى. زاڭ بۇزعانداردىڭ كوپشىلىگى ىشكى ىستەر ورگاندارىنا تىركەلمەگەن, جۇمىس ىستەۋگە رۇقسات الماعان نەمەسە ۆيزا ۋاقىتى بىتسە دە, ەلدەرىنە كەتپەگەن.
اتالعان شارا بارىسىندا شەتەلدىكتەردىڭ تۇراقتى تۇرۋعا العان رۇقساتتارىنىڭ دا زاڭدىلىعى تەكسەرىلگەن. قاجەتتى قۇجاتتار تاپسىرۋ كەزىندە ەسەپشوتتارىندا قاراجات بولماعان 112 ادامنىڭ رۇقساتى كۇشىن جويدى.
ەستەرىڭىزگە سالا كەتسەك, بىلتىر ميگراتسيالىق كوشى-قون تۋرالى زاڭنامالاردى بۇزعانى ءۇشىن 2400 شەتەلدىك قازاقستاننان شىعارىلعان بولاتىن.