استانادا 2017 جىلى حالىقتىڭ الەۋمەتتىك ءالسىز توپتارىنا – زەينەتكەرلەرگە, مۇمكىندىگى شەكتەۋلى جاندارعا, از قامتىلعاندارعا ەلەۋلى قولداۋ كورسەتىلەدى, دەپ حابارلادى قالا اكىمدىگىنىڭ رەسمي سايتى.
استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنىڭ حابارلاۋىنشا, الەۋمەتتىك تولەمدەر ءۇشىن رەسپۋبليكالىق جانە جەرگىلىكتى بيۋدجەتتەن 5 ملرد. تەڭگەگە جۋىق قاراجات ءبولىندى.
2016 جىلى 110 مىڭنان استام ادام الەۋمەتتىك قولداۋمەن قامتىلدى, ونىڭ ىشىندە زەينەتكەرلەر, ۇوس ارداگەرلەرى, مۇمكىندىگى شەكتەۋلى ادامدار, بالالار, كوپ بالالى وتباسىلار, كوپ بالالى انالار, از قامتىلعان ازاماتتار بار.
تۇرعىن ءۇي جاردەماقىسى 1456 وتباسىعا تاعايىندالدى, 1381 ادام اتاۋلى الەۋمەتتىك كومەكتى, 18 جاسقا دەيىنگى بالالارعا ارنالعان مەملەكەتتىك جاردەماقىنى 3904 بالالار, ورلەۋ» جوباسى شەڭبەرىندە شارتتى اقشالاي كومەكتى 243 الۋشىلار الدى.
سونىمەن قاتار 96 مىڭنان استام ادام (جاسى بويىنشا جانە ەڭبەك سiڭiرگەن جىلدارى بويىنشا زەينەتكەرلەر, كوپ بالالى انالار, كوپ بالالى وتباسىلار, مۇمكىندىگى شەكتەۋلى تۇلعالار) قالالىق باعىتتاعى جولاۋشىلار كولiگiندە جول جۇرۋگە تولەم تولەۋدەن بوساتۋ تۇرىندەگى جول جۇرۋگە (تاكسيدەن باسقا) الەۋمەتتىك كومەكپەن قامتىلدى. 106 مىڭنان استام ادامعا مەرەكەلiك جانە ايتۋلى كۇندەرگە بiرجولعى اقشالاي تولەمدەر كورسەتىلدى.