قر ءسىم قازاقستان رەسپۋبليكاسى جانە ۇلىبريتانيا جانە سولتۇستىك يرلانديا بىرىككەن كورولدىگى اراسىنداعى ديپلوماتيالىق قاتىناستاردىڭ ورناتىلۋىنا 25 جىل تولۋىنا ارنالعان كومميۋنيكە جاريالادى, دەپ حابارلادى مينيسترلىكتىڭ ءباسپاسوز قىزمەتى.
كەشە, 19 قاڭتاردا ءبىز قازاقستان رەسپۋبليكاسى جانە ۇلىبريتانيا جانە سولتۇستىك يرلانديا بىرىككەن كورولدىگى اراسىنداعى ديپلوماتيالىق قاتىناستاردىڭ ورناتىلعانىنا 25 جىل تولدى.
شيرەك عاسىر ۋاقىت ىشىندە ەلدەرىمىزدىڭ اراسىنداعى قاتىناستار تەڭدەسسىز جوعارى دەڭگەيگە جەتتى: ەكى ەل باسشىلارى اراسىنداعى قاتىناستار ۇنەمى نىعايۋدا, ءوزارا ساۋدا قارقىنى وسۋدە, كەلىسىم-شارتتار بازاسى كەڭەيۋدە, ەكىجاقتى قارىم-قاتىناس ينستيتۋتتارى ءتيىمدى جۇمىس اتقارۋدا. بىرىككەن كورولدىك ءبىزدىڭ ەكونوميكامىزدىڭ التىنشى ەڭ ءىرى ينۆەستورى بولسا, قازاقستان بريتانيانىڭ 14 سىرتقى ەكونوميكالىق سەرىكتەسى تىزىمىنە قوسىلدى.
ۇلىبريتانيا پرەمەر-ءمينيسترى د.كەمەروننىڭ 2013 جىلى قازاقستانعا ساپارى كەزىندە قول قويىلعان ستراتەگيالىق سەرىكتەستىك تۋرالى بىرلەسكەن مالىمدەمەنىڭ قابىلدانۋى قازاقستان-بريتان قاتىناستارىنىڭ ەرەكشە مارتەبەسىن ايعاقتايتىن اسا ەلەۋلى وقيعا بولدى.
قر پرەزيدەنتى ن.ءا.نازارباەۆتىڭ 2015 جىلى ۇلىبريتانياعا رەسمي ساپارى ستراتەگيالىق سەرىكتەستىكتى ودان ءارى نىعايتۋعا اسا قۋاتتى سەرپىن بەردى. ساپار اياسىندا بىرقاتار كوممەرتسيالىق كەلىسىم-شارت پەن جوباعا قول قويىلدى.