الماتى وبلىسى جامبىل اۋدانىندا 2017 جىلدىڭ ءبىرىنشى جارتىجىلدىعىندا "يمپەريا فۋد" كومپانياسى ەت وڭدەيتىن زاۋىت سالۋدى جوسپارلاپ وتىر, دەپ جازادى "ينتەرفاكس-قازاقستان". جوبانىڭ قۇنى 2,3 ملرد تەڭگە. زاۋىتتىڭ جوبالىق قۋاتى جىلىنا 8 مىڭ توننا.
سونىمەن قاتار, «يمپەريا فۋد» جشس 2017 جىلدىڭ كوكتەمىندە جەم-ءشوپ قويماسىن سالماقشى. وندا شامامەن 5 مىڭ تونناعا دەيىن ءونىم ساقتاۋعا بولادى. جوبانىڭ جالپى قۇنى 288 ملن تەڭگە. سونىڭ 224 ملن تەڭگەسى "قازاگروفينانس" اق-نىڭ قارجىلاندىرۋىمەن كەلسە, 64 ملن تەڭگەسى كومپانيانىڭ ءوز قاراجاتى.
كومپانيانىڭ نەگىزگى ماماندانعان قىزمەتى - اۋىل شارۋاشىلىعى. سونىڭ ىشىندە مال شارۋاشىلىعى مەن وسىمدىك شارۋاشىلىعى.