الاۋ ەستافەتاسى
جەكسەنبى كۇنى, 29 قاڭتاردا الاۋ ەستافەتاسى مىنا باعىتتار بويىنشا وتەدى دەپ جوسپارلانعان: ءال-فارابي اتىنداعى قازۇۋ – تيميريازەۆ كوشەسى – ماناس كوشەسى – اباي داڭعىلى – سەيفۋللين داڭعىلى – گوگول كوشەسى – سەيفۋللين داڭعىلى – ءتولە بي كوشەسى – دوستىق داڭعىلى – اباي داڭعىلى – بايتۇرسىنوۆ كوشەسى – ساتباەۆ كوشەسى – دوستىق داڭعىلى – رەسپۋبليكا الاڭى. بۇل باعىتتار بويىنشا كولىك قوزعالىسى ساعات 10.00-دەن 14.00-گە دەيىن شەكتەلەتىن بولادى. الاۋ ەستافەتاسى كوشەلەردىڭ باسىم بولىگىمەن وتەتىندىكتەن اۆتوبۋس باعىتتارى وزگەرمەيدى. اۆتوبۋستار الاۋ ەستافەتاسى وتەتىن بىرقاتار جەرلەردە توقتاتىلادى. وسىلايشا, جوعارىدا اتالعان ۋچاسكەلەردە ءار باعىت بويىنشا كولىكتەر ورتاشا 5-10 مينۋت قانا كىدىرەدى.اشىلۋ جانە جابىلۋ سالتاناتتارى
ۋنيۆەرسيادا اشىلاتىن 29 قاڭتار مەن ويىندار اياقتالاتىن 8 اقپان كۇندەرى «الماتى ارەنا» ستاديونىنا كورەرمەندەر مەن قوناقتاردى جەتكىزۋگە ەرەكشە ءمان بەرىلەدى. ارنايى باعىتتار بويىنشا بىرجاقتى جولاقىسى 100 تەڭگەنى قۇرايدى: ورتالىق ستاديون – «الماتى ارەنا» استانا الاڭى (قبتۋ) – «الماتى ارەنا»جارىس كۇندەرىندە
جارىستار وتەتىن كۇندەرى كورەرمەندەردى سپورت نىساندارىنا تاسىمالداۋ ءۇش نۇكتە ارقىلى اتقارىلادى: – ورتالىق ستاديون; – «ساياحات» اۆتوبەكەتى; – الماتى-1 تەمىر جول ۆوكزالى. بۇلاردان وزگە, كورەرمەندەردى جارىستار وتەتىن جەرلەرگە بۇرىننان قاتىناپ جۇرگەن 555 اۆتوبۋس جەتكىزەتىن بولادى: 1. ورتالىق ستاديونعا دەيىن – 17 باعىت, 282 اۆتوبۋس; 2. شاڭعى ءترامپلينى كەشەنىنە دەيىن – 3 باعىت, 88 اۆتوبۋس; 3. «الماتى ارەناعا» دەيىن – 4 باعىت, 55 اۆتوبۋس; 4. «حالىق ارەناعا» دەيىن – 5 باعىت, 112 اۆتوبۋس; 5. «مەدەۋ» مۇز ايدىنىنا دەيىن – 2 باعىت, 18 اۆتوبۋس. قاجەت بولعاندا باعىتتار كۇشەيتىلەدى. ۋنيۆەرسيادا اكىمشىلىگى ايتىپ ءوتكەندەي, ويىندارعا قاتىسۋشىلارعا (سپورتشىلار, تورەشىلەر, تەحنيكالىق دەلەگاتتار ءجانە باسقالارى) 519 كولىك بىرلىگى قىزمەت كورسەتەدى. «ءبىز نەگىزگى جانە بالامالى باعىتتاردى جاسادىق, قوزعالىس حرونومەتراجى ەسەپتەلدى, پوليتسيا كولىگىنىڭ ەرىپ ءجۇرۋى جوسپارلانعان. باستى ماقسات – قالالىقتاردىڭ كۇندەلىكتى ومىرىنە ەش كەدەرگى كەلتىرمەي, ۋنيۆەرسيادانىڭ ءتيىمدى جانە جايلى لوگيستيكاسىن قامتاماسىز ەتۋ», – دەپ اتاپ ءوتتى ۋنيۆەرسيادا اكىمشىلىگى. قالا تۇرعىندارى مەن قوناقتارىنىڭ نازارىنا, كىمدە-كىم ۋنيۆەرسيادا ءوتىپ جاتقان كەزدە جەكە كولىگىن پايدالانعىسى كەلسە, وندا FISU-ءدىڭ تالاپتارىنا جانە دۇنيەجۇزىلىك تاجىريبەگە ساي ءتۇرلى شارالار ءوتىپ جاتقان جەردىڭ اينالاسىندا 500 مەترلىك قاۋىپسىزدىك ايماعىنىڭ بارىن ەستە ساقتاۋلارى ءتيىس. سوندىقتان جەكە كولىك يەلەرى ساۋىق-ساۋدا كەشەندەرى ماڭىنداعى تۇراقتارعا كولىكتەرىن قالدىرىپ, ءارى قاراي قوعامدىق كولىكپەن سپورت نىساندارىنا بارا الادى.