«نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد پارتيانىڭ قۇرىلىمدىق بولىمدەرى جانە وبلىستىق فيليالدارىنىڭ باسشىلارىمەن كەڭەيتىلگەن جينالىس وتكىزدى. وندا توراعانىڭ ءبىرىنشى ورىنباسارى پارتيانىڭ 2016 جىلعى جۇمىسىن قورىتىندىلاپ, الداعى جوسپاردىڭ باسىم باعىتتارىن ناقتىلادى.
وتكەن جىلى «نۇر وتان» پارتياسى جۇمىس ءپىشىمىن جاڭعىرتىپ, كوپتەگەن يگى ىستەرگە مۇرىندىق بولدى.
بىرىنشىدەن, پارتيانىڭ باقىلاۋ-تەكسەرۋ قىزمەتى ايتارلىقتاي كۇشەيدى. اتاپ ايتقاندا, پارتيا توراعاسى, مەملەكەت باسشىسىنىڭ تاپسىرماسىمەن ەلىمىز بويىنشا «نۇرلى جول» اۋقىمدى ينفراقۇرىلىمدىق جوباسىمەن قاتار, باسقا دا ماڭىزدى مەملەكەتتىك باعدارلامالاردى ءتيىمدى جۇزەگە اسىرۋدى باقىلايتىن ارنايى كوميسسيالار قۇرىلدى. ناتيجەسىندە بىرقاتار ماسەلەلەردى ۋاقىتىندا انىقتاپ, ولاردى تەز ءارى ءتيىمدى شەشۋگە مۇمكىندىك تۋدى. ءوز كەزەگىندە بۇل ەلباسى تاپسىرمالارىنىڭ ساپالى ورىندالۋىنا جاعداي جاسادى.
جيىن بارىسىندا مۇحتار قۇل-مۇحاممەد «نۇرلى جول» باعدارلاماسىنىڭ جۇزەگە اسىرىلۋىن باقىلاپ, پارتيالىق مونيتورينگ جاساۋ پارتيا توراعاسىنىڭ تىكەلەي تاپسىرماسى ەكەنىن اتاپ ءوتتى.
«سول سەبەپتى, پارتيا ايماقتىق فيليالدارىنىڭ باسشىلارىنا اتالعان باعدارلامانىڭ ورىندالۋ بارىسىنا پارتيالىق باقىلاۋدى كۇشەيتۋدى تاپسىرامىن. باعدارلامانىڭ ۋاقتىلى ءارى ساپالى جۇزەگە اسۋىنا كەدەرگى كەلتىرەتىن ولقىلىقتارعا ەرەكشە ءمان بەرۋ كەرەك», – دەدى پارتيا توراعاسىنىڭ ءبىرىنشى ورىنباسارى.
ەكىنشىدەن, «نۇر وتان» پارتياسى ۇلتتىق بىرىڭعاي تەستىلەۋدىڭ مەجەلىك دەڭگەيىنەن وتە الماعان نەمەسە اتالعان سىناققا ءمۇلدەم قاتىسپاعان مەكتەپ تۇلەكتەرىنە قولداۋ كورسەتۋ بويىنشا پرەزيدەنت تاپسىرماسىن ءساتتى ورىندادى. ەلىمىز بويىنشا تەستىلەۋگە قاتىسپاعان 54 مىڭ تۇلەك انىقتالىپ, ولاردىڭ ارقايسىسىنا پارتيا تاراپىنان كومەك كورسەتىلدى. ماسەلەن, 9 مىڭى جۇمىسقا ورنالاستىرىلسا, قالعاندارى جوعارى وقۋ ورىندارى مەن كاسىپتىك-تەحنيكالىق ءبىلىم بەرۋ مەكەمەلەرىنە وقۋعا ءتۇستى.
بۇل جونىندە «نۇر وتان» پارتياسى توراعاسىنىڭ ءبىرىنشى ورىنباسارى: «بۇگىندە جۇمىسقا ورنالاسۋ نەمەسە وقۋعا تۇسۋگە بايلانىستى مەكتەپ تۇلەكتەرىنە قاتىستى ءماسەلەلەر تولىعىمەن شەشىلدى», – دەدى.
ۇشىنشىدەن, ارنايى «جەدەل جەلى» مەن ينتەرنەت سايتىنىڭ ارقاسىندا پارتيا قوعامدىق قابىلداۋىنىڭ قىزمەت اياسى كەڭەيىپ, ماڭىزى ارتا ءتۇستى. وتكەن 2016 جىلى 226 مىڭنان استام قازاقستاندىق «نۇر وتاننان» كومەك سۇراعان. بۇل كورسەتكىش 2015 جىلمەن سالىستىرعاندا, ايتارلىقتاي ارتىق.
مۇحتار قۇل-مۇحاممەد پارتيادان كومەك سۇراپ كەلگەندەر سانىنىڭ ءوسۋى ونىڭ حالىق اراسىنداعى بەدەلىنىڭ ارتقانىن ءبىلدىرەتىنىن ايتا كەلىپ: «كوبىنەسە حالىق امالى تاۋسىلىپ, بارار جەر, باسار تاۋى قالماعان كەزدە «نۇر وتانعا» كەلەدى. سوندىقتان ءبىزدىڭ ءمىندەتىمىز – كومەك سۇراپ كەلگەن ءار ازاماتقا مەيلىنشە قولداۋ كورسەتۋ», – دەدى.
تورتىنشىدەن, «نۇر وتان» پارتياسى مەملەكەت باسشىسىنىڭ تاپسىرماسىمەن ەشقانداي بالاماسى جوق NURINTECH رەسپۋبليكالىق يننوۆاتسيالىق بايقاۋىن وتكىزدى. ونىڭ باستى ماقساتى – جاس ۇرپاق اراسىنداعى عىلىمي ىزدەنىستىڭ دامۋىنا تىڭ سەرپىن بەرۋ. سوعان وراي ءارى قاراي جەتىلدىرۋ ءۇشىن جىل سايىن ەلىمىزدىڭ ءار تۇكپىرىنەن جاس عالىمدار مەن ونەرتاپقىشتاردىڭ جوبالارى ىرىكتەپ الىنادى. وتكەن جىلدىڭ سوڭىندا NURINTECH-ءتىڭ فينالىنا شىققان العاشقى 20 جاس ونەرتاپقىشقا سىيلىقتار تاپسىرىلدى.
بەسىنشىدەن, از قامتىلعان وتباسىلارىنان شىققان تالانتتى جانە بولاشاعى زور جاستاردىڭ ساپالى ءبىلىم الۋىن قامتاماسىز ەتۋ ماقساتىندا پرەزيدەنتتىڭ تاپسىرماسىمەن پارتيا «نۇر ارمان» بىرەگەي جوباسىن قولعا الدى. قازىردىڭ وزىندە جوبا ارقىلى 9 جاس ورەن ۇلىبريتانيا, قىتاي, مالايزيا جانە رەسەيدە ءبىلىم الۋعا مۇمكىندىك بەرەتىن قايىرىمدىلىق گرانتىنا يە بولدى.
التىنشىدان, ءىس-شارالاردىڭ جەلىلىك كەستەسى نەگىزىندە پارتيا ورتالىق پەن ايماقتارداعى ءوز قىزمەتىنە قىسقا جانە ۇزاق مەرزىمدى جوسپارلاۋ جۇيەسىن ەنگىزدى. ءناتيجەسىندە قولدا بار رەسۋرستاردى ناقتى بولۋگە, بەلگىلى ءبىر باسىمدىقتار بويىنشا جۇمىستى ءتيىمدى جۇرگىزۋگە جانە بارلىق دەڭگەيدەگى پارتيا قىزمەتكەرلەرىنىڭ جۇمىس ءناتيجەلەرىنە قاتاڭ باقىلاۋ جاساۋعا مۇمكىندىك تۋدى.
جەتىنشىدەن, اقپاراتتىق-تالدامالىق جانە ءتۇسىندىرۋ جۇمىستارى جاندانا ءتۇستى. وعان مىسال رەتىندە بىلتىر اشىلعان ساياسي تالداۋ ءجانە ستراتەگيالىق زەرتتەۋ ورتالىعىن, پارتيانىڭ جاڭادان ىسكە قوسىلعان ۆەب-سايتىن, باق, ينتەرنەت كەڭىستىگى جانە الەۋمەتتىك جەلىلەرمەن جۇمىس ساپاسىنىڭ جاقسارۋىن ايتۋعا بولادى.
ال 2017 جىلعى باسىم باعىتتارعا كەلەر بولساق, «نۇر وتان» پارتياسى توراعاسىنىڭ ءبىرىنشى ورىنباسارى جينالىستا الداعى تاپسىرمالار مەن مىندەتتەردىڭ اۋقىمى ايتارلىقتاي كەڭەيگەنىن ايتتى. ودان بولەك, مۇحتار قۇل-مۇحاممەد ەرەكشە ماڭىزعا يە اتالعان ماسەلەلەرمەن قاتار, «نۇرلى جەر» تۇرعىن ءۇي قۇرىلىسى پرەزيدەنتتىك باعدارلاماسىن, اگرووندىرىستىك كەشەندى دامىتۋ باعدارلاماسىن, سونداي-اق, ازىق-ت ۇلىكپەن قامتاماسىز ەتۋ جانە بۇقارالىق كاسىپكەرلىكتى دامىتۋ باعدارلاماسىن حالىق اراسىندا كەڭ كولەمدە تالقىلاپ, ءتۇسىندىرۋ جۇمىستارىن جۇرگىزۋدى تاپسىردى. سونىمەن قاتار, پارتيا وكىلدەرى «نۇر وتاننىڭ» سايلاۋالدى باعدارلاماسىنىڭ جۇزەگە اسىرىلۋىن باقىلاپ, جۇيەلى مونيتورينگ جاساۋعا مىندەتتى.
سونداي-اق, «نۇر وتان» پارتياسى توراعاسىنىڭ ءبىرىنشى ورىنباسارى: «مەملەكەت باسشىسى ءوڭىرلەردىڭ تولىققاندى دامۋىنا قاجەتتى بارلىق جاعدايدى جاسادى. اۋقىمى كەڭ مەملەكەتتىك باعدارلامالار قولعا الىندى. ولاردى جۇزەگە اسىرۋ ءۇشىن ميللياردتاعان قاراجات بولىنۋدە. وتە ۇلكەن كولەمدە شەتەلدىك ينۆەستيتسيالار تارتىلۋدا. ەندىگى ءبىزدىڭ باستى مىندەتىمىز – پرەزيدەنت تاپسىرماسى مەن مەملەكەتتىك باعدارلامالاردىڭ جۇزەگە اسىرىلۋىن قاتاڭ باقىلاۋعا الۋ», – دەدى.
جيىندى قورىتىندىلاي كەلە, مۇحتار قۇل-مۇحاممەد 2017 جىلى «نۇر وتان» پارتياسىنا 18 جىل تولاتىنىن تىلگە تيەك ەتتى. وسى ۋاقىت ارالىعىندا پارتيا ءوز قاتارىنا ەلباسىنىڭ ەڭ سەنىمدى جاقتاستارى مەن سەرىكتەرىن توپتاستىرىپ, بەدەلدى, مۇشەسى كوپ جانە شىن مانىندەگى قازاقستاننىڭ بۇكىلحالىقتىق ساياسي كۇشىنە اينالدى.
ءسوزىنىڭ سوڭىندا پارتيا ءتوراعاسىنىڭ ءبىرىنشى ورىنباسارى: «پارتيا مۇشەلەرى ءۇشىن ماڭىزى جوعارى وسىناۋ جىلدا ءبىز ورتاق وتانىمىز – قازاقستان رەسپۋبليكاسىنىڭ كەمەل كەلەشەگى ءۇشىن مەملەكەت باسشىسىنىڭ بارلىق تاپسىرماسىن 100 پايىزعا ورىنداۋعا مىندەتتىمىز. پرەزيدەنت ەلىمىزدىڭ الدىنا جاۋاپتى دا كۇردەلى مىندەتتەردى قويدى. ەگەر ءارقايسىمىز وزىمىزگە ءتيىستى جۇمىستى ادال ءارى ۇقىپتى ىستەسەك, مىندەتتى تۇردە جەتىستىككە جەتەمىز جانە «قازاقستان-2050» ستراتەگياسىندا كورسەتىلگەن ماقسات-مۇراتتاردى جۇزەگە اسىرامىز», – دەدى.
ءاليسۇلتان قۇلانباي,
«ەگەمەن قازاقستان»