امىرلىكتەرمەن ارىپتەستىگىمىز ارتادى

جاقىندا پرەمەر-ءمينيستردىڭ ءبىرىنشى ورىنباسارى اسقار مامين بىرىككەن اراب امىرلىكتەرىنىڭ ۆيتسە-پرەمەرى مەن ءباا پرەزيدەنتى ىستەرى جونىندەگى ءمينيسترى شەيح مانسۇر بەن زايد ءال ناھايانمەن كەلىسسوز جۇرگىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەلىسسوز بارىسىندا قازاقستان پرەزيدەنتى نۇرسۇلتان نازارباەۆتىڭ ءباا-گە 15-16 قاڭتارداعى رەسمي ساپارى بارىسىندا قول جەتكىزىلگەن جوعا­رى دەڭ­گەيدەگى ۋاعدالاس­تىق­تاردى ءىس جۇزىنە اسىرۋدىڭ جولدارى قاراستىرىلدى. تاراپتار ەنەرگەتيكا, مۇ­ناي-حيميا, اتوم ونەر­كاسىبى, كولىك جانە لوگيستي­كا, اسكەري-تەحنيكالىق سالا­لار­داعى ورتاق جوبالاردى دامىتۋعا دايىن ەكەندەرىن راستادى. «بايتەرەك» حولدينگى مەن «Mubadala Develop­ment Company PJSC» قازاق­ستان اۋماعى مەن وزگە كور­شى ەلدەردىڭ باسىم نا­رىق­تارىنداعى ينفرا­قۇ­رى­لىمدىق جانە وزگە دە جوبالاردى بىرلەسىپ قارجى­لاندىرۋ ءۇشىن جاقىن ارادا ءوزارا ينۆەستيتسيالىق پلاتفورما قۇرۋعا كەلىستى. قازاقستان مەن ءباا-ءنىڭ ەنەرگەتيكا مينيسترلىكتەرى قازاقستاندا مۇناي-گاز-حيميا كەشەنى قۇرىلىسىنىڭ جو­باسىنا تاراپتاردىڭ قا­تى­­سۋ مۇمكىندىگىن تال­قى­لادى. «قازاقستان تەمىر جو­لى» ۇلتتىق كومپانيا­سى مەن «Etihad Rail» ۇلت­تىق تەمىر جول كومپانيا­سى ءباا مەن ءۇشىنشى ەلدەر­دە ءبىر­لەس­كەن ينفراقۇ­رى­لىم­دىق جو­بالاردى جۇزە­گە اسى­رۋ ءما­سەلەلەرىن تال­قى­لادى. ءباا اتوم ەنەرگياسى جونىندەگى كورپوراتسيا­سى «قازاتومونەركاسىپ» ۇاك»-پەن يادرولىق ەنەرگيانى بەيبىت ماقساتتا پايدالانۋ سالاسىندا ەكىجاقتى قارىم-قاتىناستى دامىتۋعا نيەت ءبىلدىردى. امىرلىك تارابى قازاق­ستان رەسپۋبليكاسى قارۋلى كۇش­تەرى اسكەري وقۋ-جاتتى­عۋ ورتالىقتارىنىڭ ينفرا­قۇ­رىلىم نىساندارىن ين­ۆەس­­تيتسيالاۋ ماسەلەسىن قا­­را­­س­تىرۋعا مۇددەلىلىك تا­نىت­تى. امىرلىك تاراپىنان كە­لىس­سوزدەرگە ەنەرگەتيكا مي­نيسترى سۋحەيل مۇحاممەد ءال-مازرۋي, ءابۋ-دابي اتقا­رۋشى كەڭەسىنىڭ مۇشەسى, «مۋ­بادالا دەۆەلوپمەنت» كوم­پا­نياسىنىڭ باس اتقارۋ­شى ديرەكتورى, ءباا اتوم ەنەر­گياسى جونىندەگى كورپو­را­تسياسىنىڭ باسقارما باسشىسى حالدۋن حاليفا ءال-ءمۇ­باراك, ءابۋ-دابي قالا­سىنىڭ مەرى, «Etihad Rail» ۇلتتىق تەمىر جول كومپا­نياسى ديرەكتورلار كەڭە­سىنىڭ توراعاسى, ينجەنەر اۋد مۋرشيد ءال-مۋرۋر, سىرت­قى ىستەر ءمينيسترىنىڭ قاۋىپ­سىزدىك جانە قورعانىس ماسە­لەلەرى جونىندەگى ورىنباسارى فاريس ءال-مازرۋي جانە ءباا-ءنىڭ قازاقستانداعى ەل­شىسى مۇحاممەد ءال-دجابەر قا­تىستى. كەزدەسۋگە قازاقستان تارا­پىنان ەنەرگەتيكا مي­نيسترى ق.بوزىمباەۆ, قور­عانىس جانە اەروعارىش ونەر­كاسىبى ءمينيسترى ب.اتام­قۇلوۆ, «قازاقستان تەمىر جولى» ۇك» اق باسقارما توراعاسى ق. الپىسباەۆ, «بايتەرەك» ۇبح» اق باس­قارما توراعاسى ە.دوساەۆ, «قاز­اتومونەركاسىپ» ۇاك» اق باسقارما ءتورا­عاسى ا.جۇماعاليەۆ جانە قازاق­ستان­نىڭ ءباا-دەگى ەلشىسى ق.لاما ءشارىپ قاتىستى.