وڭتۇستىك قازاقستان وبلىسىندا قۇس شارۋاشىلىعى جىل سايىن دامىپ كەلەدى. جالپى وڭىردە ءىرى جانە شاعىن 35 قۇس فەرماسى بولسا, وندا 2 ملن 638 مىڭ قۇس بار. ولاردان وتكەن جىلى 300 ملن دانا جۇمىرتقا, 12,1 مىڭ توننا قۇس ەتى الىنعان, دەپ حابارلايدى وبلىس اكىمدىگىنىڭ ءباسپاسوز قىزمەتى.
بۇگىندە نارىقتا جوعارى سۇرانىسقا يە ونىمدەر – قۇس ەتىنىڭ حالىقتى قامتاماسىز ەتۋ دەڭگەيى 73,7 پايىزعا, ال جۇمىرتقامەن قامتۋ 75 پايىزعا جەتىپ وتىر. قۇس ەتى مەن جۇمىرتقا يمپورتىن ازايتىپ, وبلىس حالقىن وتاندىق ونىممەن تولىق قامتاماسىز ەتۋ ماقساتىندا وبلىستىڭ اۋدان, قالالارىنان 2020 جىلعا دەيىن ورتا, شاعىن 78 قۇس فابريكالارىن اشۋ جوسپارلانۋدا.
ايماقتا قۇس شارۋاشىلىعىنىڭ دامۋىنا 2016 جىلى مەملەكەت تاراپىنان جالپى 2,29 ملرد تەڭگە كولەمىندە سۋبسيديا بەرىلدى. ونىڭ 1,47 ملرد 471 ملن 440 مىڭ تەڭگەسى كۇركە تاۋىق ەتىنە, 132 ملن برويلەر ەتىن ءوندىرىپ, كوبەيتۋ شارۋاشىلىعىنا بەرىلگەن. وسى باعىتتاعى جۇمىستى ودان ءارى دامىتۋ ماقساتىندا 2017 جىلى دا شارۋالارعا 2,03 ملرد تەڭگەگە جۋىق سۋبسيديا بولىنەتىن بولادى.
وڭىردەگى قۇس فەرمالارىنىڭ بىرقاتارىنا توقتالساق. ءىرى قۇس فەرماسىنىڭ ءبىرى «ورداباسى قۇس» جشس بولسا, مۇندا 648 276 باس كۇركە تاۋىق وسىرىلەدى. ال «ينفراستروي لتد» جشس-ىندا ەتتى باعىتتاعى 250 مىڭ برويلەر تاۋىعى بولسا, «شىمكەنت قۇس» جشس-ى جۇمىرتقا ءوندىرۋ باعىتىنداعى 646 900 باس قۇستى باعۋدا.