ىشكى ىستەر ءمينيسترى قالمۇحانبەت قاسىموۆ ۋاقىتشا تىركەۋگە بايلانىستى ەسىك اشپايتىن قازاقستاندىقتاردى تەكسەرۋدىڭ باسقا جولىن قاراستىراتىنىن مالىمدەدى.
ۇكىمەت وتىرىسىنان كەيىن جۋرناليستەردىڭ ساۋالىنا جاۋاپ بەرگەن قالمۇحانبەت قاسىموۆ مينيسترلىك ۋاقىتشا تىركەۋدەن وتپەگەندەرگە ايىپپۇل سالۋعا ءالى كىرىسپەگەنىن ايتتى. سونداي-اق «ازاماتتىڭ ۇيگە كەلگەن پوليتسەيگە ەسىك اشپاۋعا قۇقىعى بار ما؟» دەگەن سۇراققا: «جارايدى, اشپاڭىزدار, ءبىز تەكسەرۋدىڭ باسقا امالىن تابامىز», – دەدى.
«سەبەبىن وزدەرىڭىز بىلەسىزدەر, قازىر ۋنيۆەرسيادانى كۇتىپ وتىرمىز. سوندىقتان 4 قاڭتاردا جينالىس وتكىزىپ, قالادا جوسپارلى تۇردە تەكسەرىس باستالدى. العاشقى ايدا تەك ەسكەرتۋ جاساۋمەن شەكتەلەمىز. ال ودان كەيىن ءتيىستى شارالار قولدانامىز. ۋاقىتشا تىركەۋ – بۇل ەڭ ءتيىمدى جولى. ماسەلەن, قازىر استانادا پاتەر الۋ ءۇشىن كەزەكتە تۇرعان ادام جۇمىسپەن اتىراۋعا بارۋى كەرەك بولدى دەلىك, سوندا نە ىستەۋى كەرەك؟ ءبىز ونىڭ تۇرعىلىقتى جەرىندەگى تىركەۋدەن شىعارماي, بارعان جەرىندە دە تىركەۋگە تۇرۋعا, جۇمىس ىستەپ, پاتەر الۋعا مۇمكىندىك بەرەمىز» دەدى مينيستر.
جاقىندا باستالعان تەكسەرىس الماتىداعى ۋنيۆەرسياداعا بايلانىستى جۇرگىزىلگەن.
«ءبىز تەك الماتىدا تەكسەرىس جۇرگىزدىك, ول ۋاقىتشا تىركەۋ ماسەلەسىنە بايلانىستى ەمەس, بىراق وزگە وڭىرلەردە بۇل ءىس جۇرگىزىلمەدى. الماتىدا زاڭسىز تۇرىپ جاتقانداردى تەكسەرەمىز» دەدى قاسىموۆ.
ايتا كەتەيىك, بۇگىن ۇكiمەت وتىرىسىندا قر پرەمەر-مينيسترi باقىتجان ساعىنتاەۆ تiركەۋ ەنگiزiلگەننەن كەيiن حالىققا قىزمەت كورسەتۋ ورتالىقتارىندا ۇزىن-سونار كەزەكتiڭ قالىپتاسقانىن, سونداي-اق جالپى تiركەۋدiڭ حالىق اراسىندا نارازىلىق تۋدىرعانىن ايتتى. پرەمەر-مينيستر تiركەۋگە قاتىستى سۇراقتاردىڭ تىم كوپ ەكەنiن جانە ءتۇسiندiرۋ جۇمىستارىنىڭ دۇرىس جۇرگiزiلمەگەنiن دە جەتكiزدi. وسىعان بايلانىستى جاڭا باستاماعا كوشپەس بۇرىن ەلەكتروندىق تiركەلۋ جۇيەسiن ازiرلەۋ كەرەكتiگiن مالىمدەدى.