جاستار فورۋمى – جاقسى ىستەر باستاۋى

«نۇر وتان» حدپ اقتوبە في­ليالىندا «بولاشاقتىڭ ىرگەسىن بىرگە قالايمىز» اتتى وبلىستىق جاستار فورۋمى بولىپ ءوتتى. فورۋمدا وبلىس اكىمى ەلەۋسىن سا­عىن­دىقوۆ قىسقاشا ءسوز سويلەپ, ءوڭ­ىر­دە جاستار ساياساتىن جۇزەگە اسى­رۋ­دىڭ باعىت-باعدارىنا توقتالدى. ول سونداي-اق, ەلىمىزدى دامىتۋدىڭ «قازاق­ستان-2030» جانە «قازاق­ستان-2020» ستراتەگيا­لىق باعدار­لا­مالارى مەن بيىلعى جولداۋدا جاستار ساياساتىن جۇزەگە اسىرۋ­دىڭ باسىم باعىتتارى ايقىن­دال­عانىن, ەندى وسى مىندەتتەردى ور­ىنداۋ قاجەتتىگىن اتاپ ءوتتى. مەملەكەتىمىز جاستاردىڭ ءبىلىم الۋىنا, بىلىكتى مامان بولۋىنا ءار­دايىم قولداۋ كورسەتىپ كەلەدى. بۇل باعىتتا ءبىزدىڭ وڭىردە جاستارمەن جۇمىستىڭ ءتاۋىر تاجىريبەسى قالىپ­تاس­قان. جاستار ساياساتىنا بولىنە­تىن قارجى كولەمى دە جىل وتكەن سايىن كوبەيىپ كەلەدى. اق­توبەلىك جاسوتاندىقتاردىڭ «اۋ­ىل­دىڭ گۇل­دەنۋى – قازاقستاننىڭ گۇلدەنۋى» مارافون-ەستافەتاسىن ەلى­مىزدىڭ بار­لىق وڭىرلەرىنىڭ جاس­تارى قول­دا­دى. وبلىستا بىلتىر وسى مارا­فون-ەستافەتاعا 70 مىڭ­عا جۋىق جاس قاتىستى. ولار 10 ميلليارد تەڭ­گەنىڭ جۇمىسىن ات­قار­دى, مىڭداعان شاقىرىم جول جيەكتەرىندەگى اعاش­تارعا كۇتىم جا­سالدى. 300 ەلدى مەكەن اباتتان­دى­رىلدى. مارافون-ەستافەتادا ەسە­لى ەڭبەك ەتكەندەرگە 64 جەڭىل اۆتوكولىك, 1000 نوۋتبۋك جانە استانا قالاسىنا دەمالىپ قايتۋعا 2000 جولداما بەرىلدى, دەي كەلىپ, ءوڭىر باسشىسى جولداۋدا اي­تىلعان الەۋمەتتىك قولداۋدى جۇزە­گە اسى­رۋ جانە ستۋدەنتتەر مەن ءبىلىم الۋشى جاستاردى قولداۋ ماقسا­تىن­دا وبلىستىق جاستار فورۋمىن ءوت­كىزۋدىڭ جانە جاستار وكىلدەرىنە ار­نايى اقشالاي سىيلىقتار تا­عاي­ىن­داۋ­­دىڭ داستۇرگە اينالعا­نىن جەتكىزدى. جاستار جيىنىندا اقتوبە مەم­­لەكەتتىك ينستيتۋتىنىڭ رەك­تو­رى, ەكونوميكا عىلىمدارىنىڭ دوك­تورى عالىمجان نۇرىشەۆ, وسى ينستي­تۋتتىڭ ستۋدەنتى ايگۇل جىل­قاي­داروۆا جانە قۇدايبەرگەن ج­ۇ­بانوۆ اتىنداعى مەملەكەتتىك ۋني­ۆەر­سي­تە­تىنىڭ ستۋدەنتى سۇلتان ءما­جيتوۆ ءسوز الىپ, ەلىمىزدە جاستار ماسەلەسىنە وڭ كوزقاراس تانى­تى­لىپ, ولاردىڭ ءبىلىم الۋىنا, عى­لىممەن اينالى­سۋى­نا جانە ەڭ­بەككە ورنا­لاسۋىنا قولداۋ كورسە­تىلىپ وتىرعا­نىن اتاپ ءوتتى. فو­رۋمعا «نۇر وتان» حدپ «جاس وتان» جاستار قاناتىنىڭ اتقا­رۋ­شى حاتشىسى نۇر­لان وتە­شوۆ, ءبىلىم جانە عىلىم مينيسترلىگى جاستار ساياساتى ءجو­نىندەگى دەپارتا­مەن­تىنىڭ ديرەكتورى ءماديار قو­جاح­مەتوۆ قاتىستى. ساتىبالدى ءساۋىرباي. اقتوبە.