قازاقستاندا تسيفرلاندىرۋ مەن جاساندى ينتەللەكتىنى دامىتۋ – مەملەكەتتىك ساياساتتىڭ باسىم باعىتى. وسى ستراتەگيالىق مىندەت اياسىندا ىشكى ىستەر مينيسترلىگىنىڭ ۇلتتىق ۇلانىندا زاماناۋي تەحنولوگيالار جۇيەلى تۇردە ەنگىزىلىپ كەلەدى. سونىڭ ناقتى كورىنىسى – 5573 اسكەري بولىمىندە جۇزەگە اسقان جاڭا جوبا. مۇندا مەرزىمدى اسكەري قىزمەتتىڭ ساربازى كيم حيون ۋ اسكەري قىزمەتشىلەرگە ارنالعان ارنايى اقپاراتتىق پورتال ازىرلەدى, دەپ جازادى Egemen.kz.
جاڭا تسيفرلىق رەسۋرس اسكەري ءبولىمنىڭ بىرقاتار قىزمەتتىك ۇدەرىستەرىن اۆتوماتتاندىرىپ, ۋاقىت شىعىنىن ەداۋىر قىسقارتۋعا مۇمكىندىك بەردى. بۇعان دەيىن نەگىزىنەن ساپتىق الاڭدا اۋىزشا جەتكىزىلەتىن ماڭىزدى مالىمەتتەر ەندى پورتال ارقىلى جەدەل جاريالانادى.
ناتيجەسىندە قۇجات اينالىمى جەڭىلدەپ, بۇيرىقتار دەر كەزىندە جاڭارتىلىپ, اقپاراتتىڭ وزەكتىلىگى قامتاماسىز ەتىلدى. بۇل ءبولىمنىڭ ىشكى بايلانىس جۇيەسىن جەتىلدىرىپ, باسقارۋ تيىمدىلىگىن ارتتىردى.
وتارداعى سارباز وقيعاسى: اسكەري ءبولىمنىڭ 4 لاۋازىمدى تۇلعاسى قىزمەتىنەن بوساتىلدى
جوبا اۆتورى – الماتى قالاسىنىڭ تۋماسى, قاتارداعى سارباز كيم حيون ۋ. ول «اقپاراتتىق تەحنولوگيالار» ماماندىعى بويىنشا ءبىلىم العان. ازاماتتىق سالادا مەڭگەرگەن ءبىلىمى مەن تاجىريبەسىن اسكەري قىزمەت بارىسىندا كادەگە جاراتىپ وتىر.
تسيفرلىق تەحنولوگيالارعا قىزىعۋشىلىعى ونى اسكەري ءبولىمنىڭ ىشكى جۇمىسىن جەتىلدىرۋ ىسىنە بەلسەندى ارالاسۋعا جەتەلەدى. اعا وفيتسەرلەردىڭ جەتەكشىلىگىمەن ءبولىم قىزمەتىنە جان-جاقتى تالداۋ جاسالىپ, تسيفرلاندىرۋدى قاجەت ەتەتىن نەگىزگى باعىتتار ايقىندالدى. سونىڭ ىشىندە اقپارات الماسۋ تەتىكتەرىن جاڭعىرتۋ ماسەلەسى الدىڭعى كەزەككە شىقتى.
كيم حيون ۋ الداعى ۋاقىتتا «سارباز 2.0» باعدارلاماسى اياسىندا ءبىلىم بەرۋ گرانتىن جەڭىپ الىپ, كاسىبي بىلىكتىلىگىن ودان ءارى ارتتىرۋدى جوسپارلاپ وتىر.
اسكەري وقىتۋشى قازاقستاننىڭ ۇزدىك ينجەنەرى اتاندى
تسيفرلىق ورتا قالىپتاستىرۋ – باستى ماقساتجوبا اياسىندا اسكەري ءبولىمنىڭ پسيحولوگيالىق قىزمەتىنە دە جاڭاشىلدىق ەنگىزىلدى. مەرزىمدى اسكەري قىزمەتشىلەردىڭ تەستىلەۋ ناتيجەلەرىن اۆتوماتتى تۇردە وڭدەيتىن الگوريتم ازىرلەندى.
اسكەري پسيحولوگتاردىڭ مالىمەتىنشە, وسى تسيفرلىق شەشىمنىڭ ارقاسىندا التى اي ىشىندە شامامەن 500 جۇمىس ساعاتى ۇنەمدەلگەن. بۇل مامانداردىڭ ۋاقىتىن ءتيىمدى پايدالانىپ, جەكە قۇراممەن تىكەلەي جۇمىس ىستەۋگە كوبىرەك كوڭىل بولۋىنە جول اشتى.
«اسكەر مەن ءۇشىن ۇلكەن تاجىريبە مەكتەبىنە اينالدى. 5573 اسكەري بولىمىندە مەرزىمدى اسكەري قىزمەتشىلەردىڭ جان-جاقتى دامۋىنا بارلىق جاعداي جاسالعان. ءتارتىپ پەن جوعارى تالاپتار ءوزىن-ءوزى جەتىلدىرۋگە مۇمكىندىك بەرەدى. اسكەري قىزمەت كەزەڭىن ءتيىمدى پايدالانىپ, جاڭا كاسىبي داعدىلاردى مەڭگەرۋدى ماقسات ەتىپ وتىرمىن», دەيدى سارباز.
الداعى ۋاقىتتا كيم حيون ۋ اسكەري ءبولىمنىڭ جاۋىنگەرلىك قىزمەتىن ۇيىمداستىرۋ ۇدەرىستەرىن جەتىلدىرۋگە باعىتتالعان جاڭا تسيفرلىق شەشىمدەردى ەنگىزۋدى كوزدەيدى. ونىڭ باستى ماقساتى – قىزمەت تيىمدىلىگىن ارتتىرۋ جانە اسكەري قىزمەتشىلەر ءۇشىن زاماناۋي, قولايلى تسيفرلىق ورتا قالىپتاستىرۋ.
بۇل باستاما – ۇلتتىق ۇلان ساپىنداعى جاس ساربازداردىڭ دا ەل دامۋىنىڭ ستراتەگيالىق باعىتتارىنا ۇلەس قوسا الاتىنىن ايقىن دالەلدەيتىن جارقىن مىسال.
قاشىقتان بارلاۋ, جاۋىنگەر قاۋىپسىزدىگى: زاماناۋي اسكەري تەحنيكانى مەڭگەرۋدىڭ ماڭىزى قانداي؟