الماتى مەملەكەتتىك تابيعي قورىعىنىڭ ءىرى شاتقالدارىنا ورناتىلعان فوتوتۇزاقتارعا قار بارىسىنىڭ الاندارى تۇسكەن مالىمەتتەرى جينالدى. سيرەك كەزدەسەتىن بۇل كادرلار – تابيعاتتىڭ تىلسىم تىرشىلىگىنەن سىر شەرتەتىن ەرەكشە ساتتەر, دەپ جازادى Egemen.kz.
الماتى مەملەكەتتىك تابيعي قورىعىنىڭ مالىمەتىنشە, الاندار ءبىر-بىرىمەن الاڭسىز ويناپ, اناسىنىڭ قيمىلىن قايتالاپ, اڭشىلىققا قاجەت داعدىلاردى ۇيرەنەدى. وسى ارقىلى بولاشاقتا ءوز بەتىمەن جەكە تىرشىلىك ەتۋگە بەيىمدەلەدى.
اۋماعى كەڭەيگەن قورىقتار
ايتا كەتەيىك, ءىلبىس نەمەسە قار بارىسى – قازاقستاننىڭ قىزىل كىتابىنا ەنگەن, سانى ازايىپ بارا جاتقان جىرتقىش. ونىڭ الاندارىمەن بىرگە فوتوتۇزاققا ءتۇسۋى قورىق اۋماعىندا جابايى تابيعي ورتانىڭ ساقتالعانىن جانە جانۋارلارعا قولايلى جاعداي جاسالعانىن اڭعارتادى.
ىلە الاتاۋى ساياباعىندا جابايى اڭ فوتوتۇزاققا ءتۇسىپ قالدى